自從四月份初探南油(今年呀)後
, 幾經度期, 又比細佬搵到條罅位出南油走番水, 順便就去出賣吓勞力咁話啦..
事關此行係有老細包艇我地就做慣菠蘿雞既就梗係有殺錯無放過啦, 只需酒水自付便成呀......筍呀...
, 今次同以前有D特別晚上十點上船就清晨四點鐘開始作業. 第一站 - 散石排, 江湖傳聞有巨型章糊同紅鮋出沒, 就一於試下佢龍與鳳, 生猛矢仔同魷魚就一家唔少得啦..
如是者就一直釣到七時多, 釣況就真係唔講得笑呀 - 係得一條毛呀, 最後忍無可忍, 轉位去也,....
就係咁又要繼續遊船河去呀, 又要再行七個鐘左右啦, 真係唔知點算好, 無嘢可做既情況為有拖釣鬼頭仔啦, 就係咁邊拖邊訓啦, 唔知訓左幾耐突然扎醒, 居然比我發現電攪快清杯, 喱次真係唔係流嘢喎, 梗係有理無理"拍"制收絲啦, 點知果條契仔仲係不停出絲, 不過都唔使講都知係鬼頭個仔啦...., 就係咁, 發吓市先, 正所謂騷騒都係羊嗎...
, 為咗有魚食就猛一猛太陽都要同佢玩遊戲啦...
不知不覺, 細佬又比睡魔急CALL, 醒番既時候原來巳經變成一隻燒老猪呀, 真係無陰公呀, 釣咗半日全船收獲慘淡, 淨係得兩條毛仔
如是者, 只好先行放飯啦...
真係好花不常開就好景不常在呀, 何況我地就根本未嘗甜頭, 只是熬盡苦頭....., 特然風雲變天, 落狗屎了
不知多久, 終於比我地到達目的地 - 潘隅井呀, 卒之都有番d生氣呀, 因為果度矢仔有咬呀, 一條釣番佢十條八條, 仲要留活口喎, 如果唔係今晚唔使撈粗嘢呀....
就係咁都玩咗好一陣子呀, 又要制下個五臟廟啦, 福食唔錯, 你睇吓喱位人兄食得幾咁滿足, 可以從佢獠牙個樣裡面流露哂d滿足出嚟呀
入夜後, 釣況明顯有所改善, 不過我就此終果句 - 我依然固我呀, 釣魚繼續係唔關我樹呀..
, 有釣友連起三條章糊, 牛廣, 領航燈等等, 上後腳上水, 細佬當然係為善不甘後人, 八十磅手絲同佢死過, 點知止終都係敵唔過海狼大哥, 剪剪剪呀, 剪到我一棟都無呀 - 慘呀
不知不覺, 又要去到尾聲呀, 我又遊船河得過吉呀, 以下就係全船人既收獲, 不過唔關我樹呀.....
就算無魚都要影吓相啦...
[ 此帖由ymtchris在2010-08-05 09:35重新修改 ]
