[hide=20] 今日一早我同小強 , 咸濕文三個就係關口會合 , 8點到到達釣點 ,
因為聽到話唔比玩假餌 , 我地都唯有拖下生蝦啦 , 無計 , 鬼咩 ,
之後我地三個人一隻船 , 慢慢爬 , 就慢慢搵釣點 , 因為無得拖假
餌關係 , 士氣非常之低落 , 小強就開左支磯竿係到釣生蝦 我同
咸濕就係到拖生蝦…… 好好彩今日又比我地撞到阿薄荷曼兄 ^^ ,
佢釣況都ok , 樣樣都有 , 講番我地 , 小強今日ge生蝦非常得食 ,
話咁快就3條 , 我同咸濕都仲係做緊龜仙人 , 唉 !!! 之後又比咸
濕拖左條小星星 , 哈 , 咁都比你偷到 , 之後都無魚釣 , 走左去個
背風位到 , 釣下立仔 , 咸濕就威啦 , 一起起4條 , 我就仲係龜仙人
, 之後個個都肚餓 , 走左去飯店食飯 , 囉左兩條鱸去清蒸 , 一鱸一
星就煲介菜湯 , 正 , 點知 , 小強特然電話響 , 原來係一個;神秘人
打尼 , 報喜 , 就話你地可以玩假餌 , 當時我地即刻開心到頂點 ,
經神秘人同塘主傾談過 , (內容保密) , 規則就係唔比囉魚走 , 同埋
係只有網山俱樂部會員才可以有此優惠 , 當場個人精神哂 , 之後
咸濕話想走 , 眼訓 , 今晚番夜 , 同佢道別之後 , 我同小強就即刻
爬艇出發 , 我地又戈條草邊一路掃落去 , 掃到中間位戈時 , 我同
小強都話 , 好似唔多掂bo , 之後小強隻pencil 突然被攻擊 , 嘩!
係咪咁快呀 , 上到尼影完相 , 小強無意中發現到佢地原來食慢pen
, 之後我地一於有咁慢得咁慢 , 之後小強又尼啦 , 之後又到我 ,
嘩 , 你一條我一條 , 真係好密口 , 有好多條攻到佢埋到尼就甩左 ,
之後仲勁 , 小強大叫中魚 , 之後我戈條pen 兩pen 又中 , 嘩 ,
兩個一齊中呀 , 勁 , 之後就兩個一齊甩 ^^ , 唔知好嬲定好笑 ,
之後有d真係唔得閒影相 , 因為戈時都成5點啦 , 要好好把握戈
個短暫ge爆釣時間 , 之後就開始靜lu , 好快就到左6點 , 收野 ,
影幾張放生相就走人 ^^ ……….. 去片 ……
我戈d相 , 小強後補.[/hide]
[ 此貼被dacky在2007-01-16 12:44重新編輯 ]