重陽釣獲 (辛勞篇)

早兩日同 dailly & 爆漿王 三人四點半出發, 去到目的地大概五點鬆。
一落車, 嘩！好很多人呀！
三人望左幾望發覺好似無乜魚訊, 跟住都懶得開竹, 過左一陣坐夠啦...好啦開工！嘻嘻！

dailly 第一時間上彈落竹, 我都不甘事弱馬上搞好落竹, 爆漿王最後都落竹啦！
我個人習慣一落水先拖佢幾拖先, 點知第二野...嘩！嘩！嘩！中啦！
可惜, 條魚超精, 我勾蝦嗆佢居然一口食蝦尾蝦身, 淨番個蝦頭比我~~~~~~ 大過份啦！

邊住時間一分一秒咁過去, 已經一個多小時仍然無反應！！等呀等呀等呀！
由五點半等到七點半, 都係無乜魚訊, 咁唯有去食個飯先啦！
八點幾食飽又來過 ... 時間又係一分一秒咁過去, 已經到１２點啦！全場仍然係無反應！！！！

我和爆漿王唯有不停咁試釣位和水層啦, 而 dailly 就四圍辣邊, 起初我地策略都好似ok, 但 d 魚下下入石入椿, 再唔係就勾頭咬尾, 勾尾咬頭！真係火都黎！！！
時間話咁快又到左三點啦, 全場人蕉氣沖天~~~~~~~~~~~
咁我就下定決心, 獨自拎個西走去 d 無人釣的地方碰下運氣啦！
超初都係冇乜魚訊, 直到三點半...嘩！終於來料！！！
個下力都唔小野, 係咁走線~~~ 心諗釣左十個鐘點都唔可以放過你！用左五分鐘慢慢咁同佢玩(唔敢心急,破蕉靠晒佢)終於都搞定左佢啦~~嘻嘻！
原來係一條二斤幾的紅眼蠢...條紅眼蠢 d 肉真係好結實！
我馬上電話叫 dailly & 爆漿王 趕過來！不到十分鐘...dailly 又中亦係好小心咁慢慢來, 原來係二斤紅魽一條, 大概又過左十五分鐘, 爆漿王又來料, 嘩嘩嘩！斤半紅魽上水。

跟住又悶左半粒鐘, 心想又係時候轉位, 我地又去番閘口位(個時無人係到), 我一落竹唔夠五分鐘...又上斤半紅魽！！！
五分鐘後又到 dailly 又係紅魽...過左十分鐘爆漿王又上紅魽, 其它人見到咁既情境即刻走晒過來！
啦啦啦...真係上開有條路過左十五分鐘後又中魽...shit 唔想食紅魽呀！！！
之後 dailly & 爆漿王 都係中晒紅魽, 直到五點鐘我地又番去我地個食糊位, 呵呵！終於比我中返條二斤盲鬼啦！
但 dailly & 爆漿王 都仍然係中 d 斤半至兩斤零的紅魽 ... haha

直到六點魚訊開始靜啦, 咁我地就轉玩南極蝦試下用來釣立, wa...原來都幾得食... 三個人玩左兩個鐘都中十條立仔(仲細過手板), 實在太細啦唯有回歸大海功德無量！
八點鐘司機到啦, 我地都累到想死~~~ 咁唯有影兩張相就走人~
我叫極 dailly & 爆漿王 都唔肯比我影, 佢地話得五六條見得下人唔敢出街喎！
就係咁, 我就唯有影得呢三張啦！個日係個到我收獲都算唔錯啦, 因為眼見好多人蕉蕉~~~~
今次真係釣得好辛苦, 我諗大家短期內都不用再去西湖 ....

引用

日本兄, 多謝你的評分
但我打得咁辛苦都冇乜人認同, 唉 !!!
下次我都係唔打咁多野好過, 晒時間

引用

引用第3樓再生強尼於2006-11-01 00:46發表的“”
都係因為我,如果唔係我D魚都會走晒啦!係我咒你地冇魚釣家!

引用

引用第2樓wah於2006-11-01 00:45發表的“”
紅魽??章雄??

引用

引用第4樓再生強尼於2006-11-01 00:47發表的“”
講笑啦!冬天再去鱸啦!