自從上一水去完老廟返黎嘔到爬街之後....我同自己講我要克服佢....我唔會就咁認輸既....下一水我一家會有成績既...
於是再跟各好友商討幾時再出過....好不用易等到今日...終於出發....
今日風和日麗...微風2級...憑著御用艇手肥仔雄出色既揸艇技術....1個鐘多D就出到黎第1個釣點---肥豬肉出水石---
眾釣友都急忙拿出重型架生...預備同巨物痛痛快快的打一場...待船長一聲令下開始作釣...話咁快就咁過左1個鐘...
完全沒有生物積像...眾釣手同船長都心急起來...怎會無魚架呢...這時船長的電話突然響起...接過電話之後臉色一沉...
好像有什麼不對路咁....船長收線後告知我們另外一艇在牙鷹州割左好多口....問我地過唔過去???
我地諗都唔洗諗異口同聲一齊叫好....經過大約20分鐘的船程我o地黎到第2個釣點牙鷹州對出的---雞頭排---
經細心觀察周圍環境之下....嘩!嘩!嘩!好多池魚在水面打水呀....好壯觀呀...我急不及待開好的假餌竿....
不停的摩打手攪動我的鐵板...其他的都是在放流....但係就有魚不開口...有時還追鐵板追到船邊...
正當想去食野之際...我的鐵板終於被突襲....久違了的中魚感覺令我大叫起來....幾下手勢就收復敵方...
正所謂一不離二...二不離三....再飛出去等鐵板沉降一點....攪了2下敵方又再突襲...今次來勢非常凶猛...我也不敢怠慢...
線杯一直在出線....打左幾下9字之後....敵方有點回氣之意...我連忙大手收回幾手...但係敵方又再逃走...
經過一輪的追捕後...敵方終於棄械投降上水...嘩!嘩!嘩!好大條呀海鯉...船長也不敢怠慢...手起撈掑落...
目測一看起碼有5~6斤了....其他釣友也急忙更換釣組...但係釣魚呢家野真係好奇怪....唔係你話換左釣組就可以釣到...
個個都張鐵板飛來飛去.....攪來攪去....就係唔食你就唔食你....又正當其他釣友轉回放流釣組之際....我又中魚了....
但係好可惜...突然其來的偷襲令我軍損失左一名戰士...之後戰況開始平靜下來...水面再沒有魚打水花....
正所謂---神仙難釣午時魚---經大家商討之後決定上牙鷹州...
上石後kelvin不久便傳來魚訊...中魚後魚往外飛....kelvin也不敢怠慢....因為還未知道係咩魚...此時條魚又遊回腳邊...
kelvin看準時機收幾手....魚終於升上水面...原來係鮫魚...旁邊沙立皇師傅巳揸起撈掑看準時機...魚應聲入網...
其後沙立皇師傅有一魚訊...中魚後魚急速入洞...此時沙立皇師傅氣定神閒食個包飲杯野...唔信你唔走返出黎...
但係好可惜...事與願違到最後都係無出黎....唯有拉斷絲收埸....此時船長慢慢的揸船過來示意我地收竿回航...
就這樣我地就結束這次愉快之旅....
魚竿: DAWAI 4~12LB
魚輪: DAIWA 2500
魚絲: DUEL 4主 'TORAY' 5腳
魚穫: 海鯉---放血後秤5.6斤(中個秤)
[ 本帖由海狗在2009-08-23 05:02重新修改 ]