早在3月中同幾位釣友相討下個月的行程,經各人同意所以選擇了去陽江東平,然後叫朋友搵當地相熟的船佬,出發前幾日我都有同該船佬聯絡過,4月10日下午7點出發,4月11日上午6點食早餐的時候收到船佬的電話,佢講左一堆九唔塔八的理由話車唔到我地,然後介紹左另外一船佬比我地,大家都很無奈無辨法之下只可接受
,到了目的地之後由於風浪比較大(4到5級),我地選了一些釣坐比較高同背風的釣位,船佬仲同我地講如果電話無訊號可以行高d試一試(都覺得佢有d責任心,可惜後來才知道相反
)上了石開始作釣,到了中午大家的釣況都係一般所以選擇轉位,可惜6個人的電話都無訊號連上網都上唔到,無辨法同聯絡到船佬,真的可以講"叫天不應,與世隔絕"時間又過了兩個鐘,下午兩點仲未見到船佬接我地要唔要轉位,再加上船上有我地下午要用的餌粉,到了6點10分左右才見到船佬出現,由於下午是水退水位下降了很多,再加上礁石又濕又滑要把釣具從高處搬下真有點吃力,由於風浪大落船要兩至三次才成功,當時我地氣得一肚氣,回程的時候船速明顯比出發的快很多!
作為一個船佬佢可以講一點職業道德都無,我地上了礁石近10個鐘再加上風高浪大,最基本每隔三四個鐘出來看看我地是否安全,同時佢知道有些地方電話是接受唔到訊號,我地上左石咁長時間根本無理會過,佢都唔係第一日開船啦,船上面有蝦粉唔講都知道係下午用啦,佢係有心唔想我地轉位,真係大吉利是講句在海上10個鐘咁長時間如果有事發生等求救後果不敢想像!
一個開開心心的旅程就比果兩個船佬攪到一肚氣,到最後總算安全回程!
放飛機船佬叫"阿德"...電話:187*****338
無良船佬叫"阿計" ......電話:138*****409
如果你地仲開船祝你地:一帆風順,打雷的時候唔好企咁高,收錢的時候記得用手按著你的良心
釣友們如果想去陽江東平釣魚約船之前一定要問清楚船佬叫咩名同電話,坐唔坐佢船咁就自己諗啦! 為了大家安全所以我一定要公開名同電話!
[ 此帖由小魚兒在2013-04-13 07:12重新修改 ]
