joaoao 離線

級別: 尊貴會員

UID: 1991
精華: 20
發帖: 10966
漁樂幣: 11004783 元
威望: 14990 點
貢獻值: 0 點
娛樂金幣: 0 元
在線時間: 9066(時)
註冊時間: 2006-08-05
最後登錄: 2021-04-16

樓主發表於: 2010-03-22

倒序閱讀只看樓主小中大

為漁民服務之沙堤洽談試釣

管理提醒: 本帖被魚力發電設置為精華(2010-03-23)

為妥善今屆漁樂磯釣盃之行程安排...讓各位選手可以順利進行比賽....奇一便帶領小弟作為先頭部隊...先行到上川沙堤商討有關事而....順道一探釣場環境

山咀碼頭正面

山咀碼頭背面

我國先進隐形導彈軍艦

資料顯示航速可達四十節...堅!!

到步後小吃一餐....休息左一陣.....到三點零鐘便出海試釣....雖然上川就不時去釣...但小弟都係第一次踏足沙堤港....有勞奇一大師一路指導

奇一

狐狸毛

沙堤港左側

先坐大木船出魚排轉快艇

因快艇停舶在排上

一路上奇一向小弟介紹沙堤嘅釣點...打鐵灣...公灣...斬頸灣...等等...因為今日微風水太清....所以最後選定左斬頸灣一處平日绝無機會登礁嘅釣點試釣...水深七至八米...流水亦唔錯....但可惜釣座上中下水層滿佈水母...咁環境下邊有魚埋頭丫....加上奇一講過呢帶釣場以沙泥底居多...小弟係一竿至九萬幾竿探左成粒鐘....連粒春石都刮唔到...只好釣返腳邊

......最後大家在收礁前各中一大白立仔同巨牛屎仔....堅到呢!!!夠餐餸...免殺生...善哉~善哉~

斬頸灣

釣座遠望

奇一在右側作釣

試釣出水排

晚飯討論完比賽細安排後便四處游蕩....并唔係四處淫蕩....冇諗錯隔離呀!!!我地係黨員嚟架!!!!

.....無聊之下行左去船家高佬嘅鋪位吹水...就係呢個時候我地驚訝咁拜見到今日嘅吉祥物...............海龜

.....而門口亦養有一隻神鵰.....小弟此行有幸與鵰兄交談亦實感暢快....但鵰兄似有睡意....自行上樓了

...

點擊播放flash

第二朝我地七點出船...今次就坐老佗地明叔隻大木船出墨斗洲至龍蝦灣一帶試釣...一路上明叔對每個釣位釣况釣法都如數家珍....明叔:「拿!!呢舊石前面沙嚟嘅...六七米深啦...無魚嘅!!.......果個大平板雖然缩左入去...但西南水好好牛屎架...而家水咁青又無魚嘅!!」

最後明叔就推介左我上墨斗洲對埋嘅獨石....明叔:「尋晚有幾位澳門釣魚就係度上左好幾条大牛屎架啦!!.....粉打果度...而家行大流就釣呢度...」真係熟位到你唔信!!

但今日雖然起左D東風....叫做有D涌口...不過水色依然太清...又有泥孟出没...努力一輪亦只能釣上一条巨形牙點仔同两条起曬角嘅巨白立仔.....呢個時候已經差唔多漲到上浪...只好轉位再釣........

第二個釣位亦因太靜水而放棄.......遠望出對開嘅排位唔錯...但當時外面火箭流...下次再上!!

回程經過龍蝦灣途中都有好多看似唔錯嘅钓點...有機會大家可以一試...

今次比赛協辦及食飯地點...大卫美食店....提供俾釣友一条龍服務...專人開蝦粉..送上船...代訂房船..極之方便!!而店主大卫待人友善健談..商討期間更希望贊助今屆漁樂磯釣盃一圍枱嘅消費以表支持.....

[ 此帖由joaoao在2010-03-23 09:35重新修改 ]

評價一下你瀏覽此帖子的感受

清空我的評分動態本帖最近評分記錄: 共20條評分記錄

	釣魚郎	漁樂幣	+10	2010-03-26	多謝.
	ymtchris	漁樂幣	+10	2010-03-24	為漁民服務......
	活活	漁樂幣	+10	2010-03-24	辛苦晒阿貌院监~
	奇一	漁樂幣	+10	2010-03-23	辛苦你了....
	arrowtsang	漁樂幣	+10	2010-03-23	good good good！
	chaofish	漁樂幣	+10	2010-03-23	辛苦哂!!再做好D漁欒綱可以上市啦
	sang	漁樂幣	+10	2010-03-23	辛苦哂!!
	智達仔	漁樂幣	+10	2010-03-23	有你既無私奉獻,漁網先有今日進步,辛苦你了
	鯛魚殺手	漁樂幣	+10	2010-03-23	為網友服務
	zoo	漁樂幣	+10	2010-03-23	偷釣唔成功,加安慰分!
隱藏評分記錄			查看更多