今日有幸與女網友"鳳77"同遊東區....一同作釣...為免令佢失望....前一晚巳經無訓過覺....腦裡不停係咁諗夠境邊度有魚釣....
因為近排東區既漁獲唔係咁理想....識釣魚既巳經好難釣到魚....更何況係唔識釣魚既女釣手....好不容易等到出發之日....
目的地 : 東澳 點解???因為近排爆釣熱門???有大野出沒???定係自己主埸....有信心呢???通通都錯....係因為近排無人去...
以我既經驗分析越係無乜人去既地方越會有驚喜(我估架咋)....一路上風平浪靜....唔洗一個鍾就到左近東澳口的獨石...
當所有釣手派晒礁後....對講機巳傳来一把熟識既聲音在尖叫....原來係澳仕瑪亞軍阿B....阿B話 : 唔好意思!2斤沙立先....咁快中魚...
有無攪錯呀....但諗深一層自己既判斷應該係正確既....再過左唔洗10分鐘....阿B又中魚....3斤多沙立....如是者對講機響過不停...
又話割左幾多口....上左幾多條3斤....又彈鈎等等....都係得佢一個中....個個都係度食緊蕉....經過一輪的努力....5個人依然食蕉...
只得阿B有4條黑沙....黃腳絲立不繼其数....咁樣落去都唔係辦法....俾你一個威晒仲得了既....平時我蕉唔緊要...我都蕉慣....
但係今次唔同....有個女伴係身邊點可以咁失威架....所以決定1點鍾轉位白瀝....轉眼間又到左白瀝"打浪排"...點解會揀"打浪排"...
因為我曾經係度跌低過....所以我就想係呢度爬返起身....經過2個多小時的戰鬥....總隊員1口線都無....唔係掛....咩地方黎架....
竟然會個個一口線都無.....就連"鳳77"妹妹都笑我 : 你識唔識釣魚架???我唔甘心....我今日一定要起條魚俾你睇.....
4點鍾再轉位大碌島....到達釣點巳經4點30分了....離收竿時間6:30仲有2個鍾頭....點算好呢.....揀邊個位好呢....
無時間喇....腦裡面想左好多野...好大壓力....唔可以無魚....突然記憶起師傅沙立皇曾經講個俾我聽大碌島有個秘位....
係要釣水漲既....咁岩依家就係漲潮....掂!!!就上哥度....如果釣唔到魚返黎罵Q佢....經過不斷的嘗試....流水由右至左....
5點15分傳來今日第一口魚訊...為了好好把握呢口魚訊....我俾佢食耐少少...."沉"左少少...等佢拉竿先....都未講完....
佢就搶絲...."揪" 一股從未試過的拉力從竿傳到我的手上...."頂" 嘩...好重....魚向外飛出....心裡又驚又喜....
驚既係如果釣唔到就會好失威....喜既係魚往外飛....易弓魚....頂了一輪感覺條魚是不理你的....慢游....一時沖...
一時停....打了2個9字條魚突然發難....沖向我腳下既暗排....弊!!!唔可以俾條魚沖過去架....無辦法....死弓....
頂~頂~頂你個肺....我唔衰得架..."鳳77"也在身邊焦急起來....不停為我加油打氣....此時一條閃亮既白立浮在水面....
撈掑一落...."上" 安全上水.....原成左"沉揪頂上"四步曲....上水一看....好大條白立呀....我都未釣過咁大條架....
趕快補粉....在這提提大家切記中魚後投放大量誘餌(自己估).....適量少少幾杓就可以了....抛出釣組....
眼望身邊餌袋裡的餌粉好像唔夠濕....用餌杓攪攪佢之際....竟然搶手袋....CUP柸竿頭巳随即飲水....
一揪魚又是往外飛....弓了一會.....O....釣组輕晒....收返黎睇睇...原來係斷左....可能係之前那條白立損耗了絲腳所至...
歡樂時光過得突別快....係時候同大家講BEY BEY....今次總算無失威...."鳳77"也對我令眼雙看....
由於女釣手唔願出鏡....所以無同佢影相....
魚獲 : 白立 6斤4兩(大陸秤)
竿: S牌 LARISSA 08 48-53
攪: S牌 BBX TECHNIUM MG C 3000
丝: GOSEN 4號(主) DUEL牌RUSH 2.25(子)
鈎: GAMA 真鯛王 8 號
浮波 : KIZAKURA R-SHOT 5B
釣餌 : 蝦仁
[ 此帖由海狗在2010-02-02 01:26重新修改 ]