正所謂行船跑馬三分險, 出海釣魚就更凶險呀…….
踏入9月, 南油釣期巳差不多進入尾聲, 巳經可以說是倒數時刻. 一於相約三五知己和四方好友作今年的最後一釣, 既然係最後一水, 當然要盡興啦, 一於玩大佢嚟過三日兩夜. 於八月前期開始籌備, 要以全新裝備去應戰.
不知不覺的, 轉眼間又到了九月六日的星期天, 下午1時返鄉下, 還未安頓好就要去再添裝備, 路邊社消息, 聽說今期黃旗大咬, 一於掃多一點鐵板, 好讓背囊可以充實些, 先回家後去買飲料雜貨, 然後回家早作休息, 事關去一次南油真的和做”咕喱”沒有實質上的分別呀, Anyway出發去了……
在對上一次之經驗得之, 想釣到魚, 想有大收獲, 想要爆箱, 就一定要擔櫈仔就霸頭位先得, 於是我們一行三人便不厭其煩的早著一步在筲箕灣登船, 務必到撈番一邊好位呀, 然後11時才到官塘碼頭會合餘下的三位朋友, 一行六人, 一於要做惡勢力呀….
整個風水位歎吓先..
去南油日水出發, 我也是第一次呀, 平日慣了夜間去漁船購買活餌(魷魚仔及矢魚仔)今天卻改作到漁排去買了, 就是因為要改道去買餌又要多費一個多小時之久呀, 我們11時在官塘出發, 沿途風口唔算特別的緊但也有三級東風仔為我們護航(是逆風而行呀), 也是不知不覺的在大家高談闊論又是放飯時間了, 吃飽飽九時左右巳到了第一站 – 牙帶井, 船長開咪 – 一句釣得, 釣友們都急不及待的作下水禮, 牙帶井真的是名副其實, 同伴不需一分鐘斤頭牙帶巳上水, 未幾就連平日只顧嘔, 訓和暈船浪的同胞也收了一條大牙帶, 只有細佬在默默等待, 等了又等, 也是要等呀, 不過等了不一會拖艇就嚟趕鬼呀, 唯有轉井去, 又不知轉了多少個井, 轉到零晨六時多, 全船人也沒有上魚, 於是又轉呀, 如是者轉呀, 轉呀又轉到我地既最後一站新井呀(即是轉了超過廿十四小時, 全船人都是得條毛呀)
生猛活餌
生猛活餌
生猛活餌
牙帶井真係有牙帶釣呀, 朋友話托鰓先至似大魚喎...
條牙帶好似皮帶咁呀...
轉井時拖中的BB煙仔呀
拖釣成功 - 鬼頭仔上水一刻
鬼頭仔被捕了
鬼頭仔被捕了
[ 本帖由ymtchris在2009-09-11 15:03重新修改 ]
