有關釣大尾魷餌木顏色的選擇
粉紅色和橙色基本上是夜間的全能顏色
鍾意釣魚嘅釣友,有時釣魚釣到悶,都會想轉吓花款。釣大尾魷的確係首選,而用餌木釣大尾魷,相信有很多釣友都試過。當釣穫大尾魷後,攞番屋企煮食,食味更是一流,生鮮嘅可以做刺身,又可以用水拖一拖嚟食,爽口又美味!
但係攜帶方嘅釣大尾魷釣具,也有它要注意嘅地方,那就是本文主要嘅話題,餌木顏色嘅選擇,的確是一門學問,因為喺不同天氣環境狀況下,要用不同顏色的餌木,先至可以有更好的收穫。
而餌木嘅顏色同埋釣場環境,就係關鍵所在,就等我哋嚟探討吓呢個問題!首先講吓釣場環境。通常喺日間釣大尾魷,尤其係在春天時,大尾魷都會集結在海草多的地方處產卵。喺呢個時候,如把握到時機,靠控竿技巧都可以有不錯嘅收穫,如果運氣好又夾啱流,收穫就會更加之好。當然,餌木顏色嘅選擇上都好重要,如果喺日間釣大尾魷,釣友應選用藍色系嘅餌木,因為餌木顏色唔夠鮮艷,就好難吸引啲大尾魷注意。
從黃昏到晚上,好多釣友在顏色選擇上都唔同,一般人多數會認為有月光嘅夜晚要用藍色,天晴同冇月亮時就用綠色,陰天同落雨時就用粉紅色。的而且確,咁樣分顏色會好好多,但係一般釣友都唔一次過帶咁多餌木作釣,除非佢係為專釣大尾魷的發燒友,一般釣友最統一嘅顏色係帶粉紅及橙色嘅餌木,咁樣作釣嘅效果同之前所講嘅天氣劃分方法不相伯仲。
如果釣友以呢種簡單劃分方法嚟選擇作釣嘅餌木,就可以好簡單咁帶備兩、三種顏色嘅餌木就可以出發,再唔需要顧及變化多端嘅天氣,只需要按照晚上及日間的兩種時段即可。