引用
引用樓主 光頭死神 於 2009-05-17 10:28 發表的 黃泡卜卜釣 :
大半年前既黃泡團, 爆箱爆到癲, 今次既黃泡團, 實在慘不忍賭, 第一竿落去隻鐵板居然安全上返水面.......已經心知不妙.... 個天陰陰沈沈咁 , 氣壓得1006~1008 P , 仲落左一個鐘頭雨.....真係未試過係個泡度訓可以唔煎背脊~ 既然JIGGING 無野玩住, 而個泡附近又勁多鬼, 就一於玩下 POPPER , 第一竿卜唔夠兩下就有野玩, 仲要幾爆得添, STELLA 5000 係咁爆DRAG , 原來SKIPJACK 是也 ~ 今晚刺身有得食LU ~ 望望個鐘.... 11 點幾先中第一條魚..... 真係不敢想像今日既釣況.... 而個賊人就中左條良型懵仔, 又係刺身好魚~ 由於今日實在太清閒, 所以每條魚都可以慢慢劏好佢放乾淨血再放埋入冰箱, 平時邊有咁得閒放魚 , 係中午打後, 發覺D 魚群已經離開個泡有一定距離, POPPER 都掟唔到, 所以決定用枝岸投鐵板竿出黎作終極遠投, 睇下有冇效果, 結果唔試由自可, 一試就連中5 口, 先中 3 條鬼婆仔, 跟住兩口吞拿一甩一斷...... 還返隻超得食鐵板俾我呀.... 我仲未幫佢留低DNA GA ...... 玩完呢一輪之後, 釣況都開始疏落, D 魚越走越遠, 遠到掟唔到....... 差唔多要相隔一個鐘先中一條咁濟..... 不過今日都算搵到d 新野玩, 知道要點POP D 吞拿先會咬~ 同埋... ^^ SHORE JIG 竿一定要帶~HAHA , 時間又差唔多到四點, 都係決定早D 收工返澳門.....出去打邊爐食刺身好過~~~~~~~
