好快咁又過去左一年啦 今年我地依然舉辦下川行 一行十幾人又開始一連五日嘅小小型釣魚比賽
因為今次人數比较多 所以就學其他大型比賽咁設有两个獎 但系今年一月尾下川各大小島嶼都俾D北風攪
到島邊全部黃泥水 我地幾隻艇為有東走西走咁追住D青水黎釣 第一日下午因為水温太寒所以打龟收場
到第二日亦只能釣上两條牛屎 而呢两日嘅大魚奖同總重量獎都分俾阿牛 阿屎同阿康三組奪得
第三日我為有又上返去上年嘅食胡位搏吓啦[上川尾] 點知又真係有魚喎[呢幾日我都搵得你地耐啦]
嘭嘭聲趁個零鐘個流水上返七八條牛屎黑沙 仲因為心急懒换線腳所以系落抄網撈魚前割左口目測有四五斤
嘅牛屎添 真失敗!! 返到飯店先知今日只有我個位水青有D魚 其他人一早就返左黎洗野啦 所以好幸運地我
就攞左今日果两個獎 到夜晚食飯時知道有多名釣友因為今年釣況奇差所以决定提早走人 冇辦法啦
聽日只好淨返一艇人繼續釣啦 第四日風浪太大所以只能去對面王府洲沙灘邊淺石灘作釣 而我今年嘅拍
擋志偉就系度上返條近四斤嘅黑沙鱲黎結束今年嘅下川釣行 總算有D交代啦 但如果早两日中咪好囉......... 出艇前擺吓款拍張合照
上完佢之後就俾佢大佬割返我幫佢報仇啦
全靠呢堆魚令我系第三日獨得两個獎
我拍擋系第四日釣到一條遲來的沙鱲.......可惜當日己經取消比赛呢.......唉!
王府川上面嘅馬 眼見有三隻 聽講有八隻咁多 系以前俾游客騎架 但係後來就被放生系島上了
[ 此貼被joaoao在2008-01-25 20:27重新編輯 ]