日期 :23/9/2007
時間 :08:00至18:00
釣點 : 橫琴炮樓
魚竿 : 磯杆及假餌杆
釣餌 : 生虾,秘製蝦仁
魚獲 : 約斤幾重紅鮋x3,A貨紅鮋X1,手板黃腳立一大堆
08:00集齊人馬後,去街巿買魚餌,有生虾有泥秋,到達釣點后,經友人親戚成功講價后由原來100/位,降至50/位,省了不少,果度我都唔知算圍定沖,因為果度都幾大,有幾個塘和有好多條沖組成,彼此是相通的,不是死水來的,因為這裡太大,我未行晒,我估計這裡應該有閘和海相通的.由於我在出發前一日已綁好晒D野,所以我是第一個開波,投了下去后,浮波即沉,我連開第二枝杆的時間都無,都幾好力,出過幾次拉力,最終都臣服我既淫威之下,搞完之后我又再投,點知搭了友人條線,想解之際,我又中魚,又是紅鮋,激死友人,未已又中多條A貨紅鮋,之后係條沖度又中多條紅鮋,之后見友人親戚係咁起立,所以決定換鈎釣立,我和友人釣了十零條立之后魚訊麻麻,企左大半天好累,開始和友人"HEI",之后出塘試試,乜都唔得,又生虾又死虾又泥秋又假餌又軟虫,之后宮本打黎話想食立魚,我話得兩條立,紅鮋食唔食呀!佢話唔要,抖了一陣咪出去努力攻立,結果同友人臨尾釣多十幾條立,重算有交待,係關口分贓后箭步回家休息,因為實太累了,今日才發覺忘了幫戰利品影相,唉~~~
綜上所述,我覺得收100就唔抵,50就好OK囉!果度無其他魚釣,以立為主,但不大,手板咁上下啦!佢話有金古,有盲鰽,但未見蹤影囉!同埋果度有養雞但無欄,D雞好惡,唔驚人,我俾佢趙左幾野,又走離食你D虾,十分煩,我試過跌了條泥秋落地下,想拾之際,即走行過黎搶,差D連手都無.
一魚叔,是否直接問宫本攞魚尺就得啦!
描述:果間就是炮樓,是以前用來打日本仔用的,但無炮房,佢話.
點擊看大圖:IMG_2154.jpg
點擊看大圖:IMG_2150.jpg
點擊看大圖:IMG_2149.jpg
點擊看大圖:IMG_2148.jpg
點擊看大圖:IMG_2147.jpg
描述:經過一輪大戰,成身泥
點擊看大圖:IMG_2144.jpg
