回想起對上一次係細湖中鱸 , 都已經係三月尾既事 , 事隔咁半年 , 終於係細湖釣到夢寐以求既鱸魚 , 雖然唔係好大條 , 90 cm , 但一幕幕跳水洗鱸既精彩場面 , 以及炸開水面鯨吞假餌既爆炸性場面 , 還是令人再三回味 ~
今次很好彩 , 去到釣場拋出第二竿已經發覺有魚追尾撲左一口 , 但並無咬中假餌 , 於是約略猜量魚既躲藏位置 , 再拋多兩竿 , 突然係水面炸出一個大水花 , 因為唔能夠確定假餌是否確實中勾 , 並無即時楊竿 , 等左約不足一秒既時間確定魚絲繃緊情度 , 再楊竿 , 立時傳來沈重的力量 , 魚開始發爛 , 亦駛出看家本領跳水洗鰓企圖爭脫魚勾 , 初時還是為是鱤魚 , 但硬是覺得欠了一份野蠻的衝勁 , 魚繼續瘋狂跳出水面 , 很多次還是整條飛離水面 , 可惜相機借了給友人 , 不能捕捉如此精彩的鏡頭 ...... 經過數十回合周旋 , 魚己經被拉近岸邊 , 從微弱的光線中看到 , 中的竟然是一條鱸魚 , 真的想像不到 , 在細湖這種死水環境下 , 這條養尊儲優的鱸魚竟然能多次飛躍出水面 , 交足了功課 , 真是俾面 , 但頓時又遇到另一個難題 , 如何攞魚上岸 .... 要攞條魚上岸 , 只有去到右邊既大石先可以落到水邊取魚 , 不過中間隔著一個淺灘 , 由於近日細湖水位比較低 , 魚亦比較大條 , 根本過唔到淺灘 .... 唯有從大石那邊涉水過淺灘位置 , 把魚拖過去 , 再回大石位取魚 .... 一想起要踩過那些又臭又黑既瘀泥 ...真是想死 ... 不過為左救返條魚 , 不能不涉水取魚 , 幾經艱辛 , 終於都將魚攞到上岸 , 約略用手板量度一下 , 90 cm 少不了 , 估唔到係細湖真係有鱸魚咬 pencil , 而且仲係咬 ns 8 咁細條既 pencil , 真是滿足 , 趕緊同條魚拍了幾張寫真後 , 便隨即放回水中 ~ 好讓牠能繼續自由地暢游於這片樂土之中 ~
點擊看大圖:Image00001.jpg
