皇天不負有心人,終於俾我用假餌釣到魚啦!今日我有三個第一次,第一次用假餌釣到魚,第一次釣到咁紅既紅鮋,第一次因為俾魚人而后悔.之前幾次玩假餌都打龜,真係有放棄玩假餌呢個念頭.
言歸正傳,話說今天我訓唔著,諗住睇釣魚短片解悶,點知睇睇下中左毒,更加精神,於是決定出動,到達西灣湖都未夠五點,萬無目的咁fit囉,fit下fit下見到有三條好似手臂咁長既錦魚游埋黎,但不是追住我的假餌過黎,而是佢自己過黎示威,佢好似知道我無佢對付佢果種假餌喎,真係俾佢吹脹,得個睇字.到左六點到,突然感到一股力量......hit......嘩......更係唔放過佢啦!咁難得第一次中魚,於是咪同佢死個囉,出左三次拉力,終於征服左佢,解鈎果時差d俾佢咬到(我諗都係時候置返d野),有個亞伯見到咁過黎幫我手,仲幫我影相,不過影得好差,之后諗住放生,個亞伯一輪咀講,"話你放落去佢都死架啦!你唔要俾我啦!"我心諗你死佢都未死呀!不過見佢主動過黎幫我解鈎又影相,算啦!豪俾佢!隔左十分鐘,又有個亞婆走埋黎問我釣到d乜,我咪話紅鮋囉,俾左個亞伯,跟住佢又一輪咀咁講,"原來係媽閣果亞伯拿著那條魚是你釣,仲乜唔俾我呀!我兩個老人家可以食好多餐呀!"我果時真係好后悔唔放生.
點擊看大圖:DSC00069.JPG
點擊看大圖:1.JPG
點擊看大圖:2.JPG
