其實上面既圖片已經講晒,不過,相信大家都睇唔出有咩技巧性既細節.所以要補充一下啦.
(1) 特約導師streetboy以下既手法,亦係我係中魚頭10秒最常用既頂魚手法.大家要留意既,就係兩隻手既擺放位置.一隻係魚絞位,一隻係竿尾位.
一中魚時,魚絞手向後向頭向上一抽,竿尾手同時間向前向海向下一壓.因為我感覺上哩個動作係最能將支竿係槓桿原理上用到盡而可以將魚抽"窒".
(2) 以上動作,瞬間就會變到下圖阿龍咁上下既姿勢,但記住,重點係手踭唔可以高過膊頭(阿龍因為顧住影相,所以高左少少).因為手踭高過膊頭會令致手前臂唔夠力或極度耗力去頂住條魚及支竿.
(3) 承恩下圖個姿勢就做得好靚啦.然後,若果魚繼續向前衝或向下壓,我會將支竿慢慢向左或加後拉力慢慢壓下,幾秒後再以相反方向做.即是擬似打8字.目的是希望令魚改變方向而消耗其體力.
(4) 踎底(座底)哩個動作,係當需要出現"讓竿"情況時既必須動作.
(5) 當魚已受到某程度上控制,或者你同魚之機會係6/4之分時,或者大力魚已游至竿半範圍內而需將魚帶上水面,我地就會將"竿尾手"擺放係"魚絞手"上面.
[後補]
頂魚方面,在上面提到"擬似打8字"
方法,最重要既心法就係"魚永遠向你拉頂的反方面及角度衝刺".例如你越向左拉頂,魚就越用力向右飛竄,你越用力向上向後拉頂,魚就越用力向前向下飛插,
因此,"擬似打8字"
,目的係將方面及角度改變,令致魚上下左右改變方面及角度(理個只係一個理念性目標)而消耗其體力.
至於幾時"鬆"或者"放"既問題,係以前未用LBD之前,都會有茅盾.但用左LBD後,只要SET好個磅頂,就兼顧少一樣野.一般只在魚突發性爆炸衝刺時放一放"鬆一鬆",因為唔想頂爆咀等情況出現.
你地可能會諗:"朱記,咁無咩技術可言呢!?!!?"
"錯!錯!錯!"
因為好多人係唔識SET LBD絞既磅頂!!
[再補充]
"擬似打8字"的速度不能快,否則,當魚仍未感應到你改變方向/角度的時候,你支竿已返回原位.
速度其實都幾接近"耍太極"時的速度.****多多指教**
[ 本帖由朱記.hk在2009-04-04 02:31重新修改 ]