過往冬釣期內，日水一般系擔杆可以釣到主要對象魚多數系白立（當然亦有其他少量魚種），如果今年踏入12月海水溫度夠凍及持續穩定，上水白立size會系1到3斤左右，而較大型既size例如5斤以上就要等到農曆新年前後先比較肯埋塞，但亦由於擔杆島大部份釣位都系斜排居多，而名釣點位置大多數又面向東北面（大海），所以選擇位置時要謹慎，東或東北風4級以上都要留意潮差同湧浪。以下系小小建議：
東或東北風4級以下，擔頭三牙排開始一路往下，黃角，高排，低排，泰仔排，一門大斜排，二州頭，二門到直灣都有大把位置可以選擇。（上石時請問問有經驗船家潮差時間）
4級風以上，面向東北面有95%釣位上浪，有一定危險性，對於初次去到擔杆既釣友建議系改選擇一門，二門，直灣島可以稍稍避到東北風同浪既內灣位或者系釣位面南（香港），例如雞魚（乙水）或石礦場等等。。。。有時反而會有魚交差及驚喜（晚黃水）。
.......
