走寶添.......
| ymtchris | 2010-09-29 20:13 |
南油釣遊 - 明年請早呀就係這個鱲季悄悄的, 不知不覺地, 漸漸咁巳經殺緊埋身, 就代表到南油季節亦巳經無聲無息的, 淡然走到今年的尾聲了..... . 亦都係因為喱個原因, 我地又決定炮製一個埋斎團, 一於同南油說聲再會了.................. 但係又因為我地唔見慣世面, 代人處事又唔係好似豆腐咁滑, 只好包團出發. 喱次出團都係一心想去攪下d季尾黃鰭, 因為貪佢地大大兜, 粗粗碌, 仲有d力水咁樣, 有得玩有得食啫, 就係咁就出發去呀. 一如以往, 打好糧餉就官塘碼頭見呀, 因為包船關係, 自主性比較強, 既然人齊一於就早早出發, 九時正出船....  在途中跟船長詳談, 近期有甚麼爆釣地方, 等我地d蛋散都可以發下財咁呀, 點知原來都係無咩好地方呀, 據船長所言番隅井有漏油事故, 其他熱門井口又龜來又龜往, 蕉朝勃勃, 一句講哂 - 相當唔得食呀, 不過佢依然係有秘位介紹 - 石仔排. 此排離香港唔係好遠, 大約5小時便到, 水深也有80多米, 主打時間為破曉時份, 晝夜交接, 曙光初現之時. 不過我上一水釣過, 釣況慘烈淨係得條毛...  , 此番再釣實在有不知所向之感覺呀....., 唯有有前無後, 打死罷就, 一於以身犯龜啦..... [attachment=105704] [attachment=105705] 於是就係咁凌晨兩時作釣, 才發覺我地十名隊友, 竟然有五名人士不知所向, 暈死過去. , 所以南油真係是福就不是禍, 是禍真是躲不來呀, 就係咁果d所謂主打時間, d咩咩咩破曉時份, 晝夜交接, 曙光初現之時都全部出現哂兼且過埋添, 全船都仲係得條毛, 轉眼門 - 面前由烏燈黑火巳經變成烈日當空呀, 細佬果條60磅手繩依然唔知道咩叫做魚訊啦, 相當不是味兒呀, 就係大家苦惱之時, 一位釣友響亮叫聲畫破長空 - "中魚", 全船人登時為之一陣, 收魚為章糊一大兜, 有廿十多斤呀 , 就係咁大家又開始發奮起來, 我一心只想到, 幾時輪到我中魚, 如是者我口中唸唸有詞, 手中卻傳來強烈魚訊(可能係魚訊, 可能係掛石), 我就一於有理無理, 照抽可也, 一抽之下, 登時掛石呀, 原來真係掛石於是又要搵阿魚僮幫幫忙啦, 就在此時, 此石頭居然係會走鬼的, 於是即刻狂收, 巳經戴咗兩對手套仍然有燒手既感覺呀, 我副60磅好似頂唔住呀, 為有邊收邊放啦, 就係咁同條死嘢死拚了幾分鐘, 成功收服第一條章糊... [attachment=105703] [attachment=105710] 此魚亦打破細佬釣魚紀錄, 的確難得呀 , 最難得既係我係用02鈎呀, 一個鱸鈎一樣的魚鈎竟然可以上可此物, 實在開心不矣, 開有的事繼續有來, 剛放餌又傳來另一魚訊, 喱一次比較輕鬆, 又是另外一條章糊呀..., 跟隨又上細佬另外一條第一魚 - 赤立是也[attachment=105706] [attachment=105707] 不一會, 放流肥仔釣友又起一條大章糊, 此時另外一名手繩黨又比人夾帶私逃不果又起番一條章糊呀, 真係此起彼落, 一浪接一浪呀, 爽到無人有呀..., 跟住肥仔釣友又上一條赤立仔, (即係香港人稱沙立呀) [attachment=105708] [attachment=105709] 就係咁, 開心d時間過得特別快, 又係時候講byebye呀(因為釣到九點幾, 咩魚口都無呀, 唔走唔得呀), 又要埋街食井水呀,上半場就係咁樣完結呀, 收獲係可以既..... , 去到井真係想搵條矢仔都好艱難呀, 釣咗幾粒鍾就又係得條毛, 就一於跟人學下釣班仔呀, 仲要出動埋前陣子世界杯期間熨手可熱既大明星"保羅"呀, 希望有粗嘢上鈎... [attachment=105711] [attachment=105712] [attachment=105713] 如是者又釣咗幾粒鐘, 魚口差到無人有淨係收到幾條班毛同蕃薯仔, 又要閃人呀.... [attachment=105714] [attachment=105715] [attachment=105716] [attachment=105717] [attachment=105718] 是夜, 下半場開始, 不過又係等如無開始過一樣, 無魚咬呀, 只有幾口黃旗線, 全部收唔到, 就係咁到12點幾, 船長建議回到石仔排, 再搏佢一輪晨光水算罷, 因為夜水唔掂水就為有回航去了....... , 是日早上五時多到達石仔排, 又係咁, 咩主打時都過哂, 不過喱次有d唔同就係喱次過咗時間都係一條都無呀, 只好返歸去呀, 又就係咁今年南油季細佬正式收皮, 南油明年再會了....[attachment=105719] [attachment=105720] [attachment=105721] [attachment=105722] |
|
呢的咩黎ga 
