史提芬 |
2010-06-23 12:31 |
6 月20 日東涌艇釣
2010年 6月 20 日 地點 : 東涌青洲一帶 天氣 : 吹西南風 4 級, 早上天陰有 D 陽光又有雨 + 下午放晴
晨咁早約左 3 個朋友 6 :00在皇崗等, 過左關打比 7 號鋪陳生問下佢幾點開門啦,點知佢話冇蝦賣, 差 d 俾佢玩死, 好彩早前輝記比多一個黃仔電話做后補姐, 否則冇用蝦用, 跟手買左 3 斤蝦就即刻上車去碼頭, 我地準時到達 7:30 順利上艇向青洲出發, 上午天色陰暗間唔中仲有雨 tim, 好彩雨勢唔係好大, 車左 30 分鐘左右到第 1 個釣點, 一落蝦就有魚食餌, 各人都密密手釣到石汀, 石九等魚仔上水, 釣到中午我見到生倉都有 10 幾斤魚仔責倉, 跟住就叫艇家不如轉位啦, 見佢又好願意咁仲講釣魚唔駛成日轉位架, 但我地堅持叫佢轉去另一邊釣下, 睇下有冇撞到 d 雞雞, 因為我地都帶左 1 磚南極蝦去, 唔知係咪玩野佢用 4 匹仔慢慢車過去, 終於車成 30 分鐘先到釣位, 一於唔理咁多繼續釣,釣左一陣我見艇家既手勢應該中了一條有 d 份量既魚, 就叫朋友?撈箕等撈魚啦, 呵呵~~今晚晚餐的主角出現了 - 2 斤紅班成功上水, 心諗唔係我叫艇家轉位我地今晚邊有紅班食呀, 最後都係果度附近釣到 5 :00 上岸收工.
收穫 : 1 條磅頭沙立, 100 幾條石九 & 石汀, 3 條廉占(手板), 1 條石揪, 1 條石馬頭, 1 條 2 斤紅班 總結 : 艇家功夫麻麻但有運, 而且懶到死唔係好積極搵魚釣, 唉~ 全日都係釣左 4 - 5 位
2 斤紅班
部份收穫-3
部份收穫-1
部份收穫-2
|
|