arrowtsang |
2009-12-19 21:38 |
貧窮+環保!DIY.
話說有日同師兄哥冇禮貌 and冠軍康 飲架啡,天南地北,無所不吹,大家吹下舊屎釣咩釣咩,咩五六斤白立,七八斤驢魚,八九噸地球呀咁,跟住..........大家又講黎緊既冬磯今年誓要上條幾多幾多公斤上水post番張勁惦,之後........幾條磯佬又開始仇喇,仇咩?咪仇要捱杯面囉!唉.....每年北風南下,巨型白格埋磯際之時,亦可算是一眾磯釣人既"杯面期" ;拿.......冇禮貌and冠軍康上大立魚多,我梗知,但亞貌哥魚多到爆冰箱,係名符其實既爆箱我都係當時先知,佢話:唉........ 亞院長,我個"S"牌半軟硬冰箱個蓋扣位甩左釘,其它又好新架!掉左佢又浪費,早兩年買,過千蚊架!再買真係唔捨得,呢期出礁密,窮窮地,間間釣具店賣野又貴,簡直係謀取暴利呀 ! (拿,以上戈幾句係貌哥講架,各位釣具店大大,唔姦我事架,我照直寫咋. )我個"S"牌半軟硬冰箱有冇得修理呀?我咪答貌哥話應該得掛,過左幾day,收左個冰箱上手,嘩 !邊鼠淨係個蓋扣位甩左釘呀,根本成個冰箱蓋就係又裂又爆,病情列入---由嚴重轉為危殆,要深切治療先掂,於是打比老友Popo,問佢是日sunday有冇輪船用品店開,得左! 當日買左既"配料"有:纖維布一張45蚊,纖維專用膠水一支20蚊,催乾劑一支10蚊,不銹鋼螺絲介子絲母8蚊等等.以下相片拍於整容前....... [attachment=85412]好,工序開始------------(1)先用刀片將纖維布切好,注意,要每邊預大2至3公分[attachment=85414] (2)將原本的柳釘拆除[attachment=85415](3)再同用膠紙封上有裂痕的地方[attachment=85416] (4)再將纖維專用膠水同埋催乾劑混合,比例是100:1,注意,千祈唔好以為催乾劑愈多愈快干,因為化學作用,多催乾劑可能仲慢乾,我以前領過野,好奇怪 ![attachment=85417][attachment=85418] |
|