| arrowtsang |
2009-06-17 20:30 |
何為頂口，何為不頂口...?(3完)?貼磯釣的好文章(88)
何為頂口，何為不頂口...?(3完)?貼磯釣的好文章(88)
以下文章,來自isoLINK 海磯研 » 磯釣研究的一個關於"何為頂口，何為不頂口...?"的討論,現我轉貼最后一位老師--朱sir 的見解及答話(2007-07), 先講我既立場,我係同意開帖既第一段..:
"...將浮波set到"0浮力"或負浮力對釣魚時頂口問題沒有直接的關係...".
玩磯早段,我都成日諗頂口問題,
後來,我問自己究竟頂口係條魚覺得頂口所以放口唔食,條魚食住但唔夠力拉到足夠魚訊俾我揚竿,亦或釣組與釣場就餌狀況.
一段又一段既經驗同練習,得出既如果係需要設定適合釣組,何種情況就餌以配合揚竿時間,釣場魚獲就餌引致之浮波魚訊微弱等.
例1:
以中型3B丹錐浮子釣臭肚,當控住或者輕帶浮波令釣組維持斜度,雖然臭肚拉沉不多,但魚訊相對較易見得,鍊亦較易掌握揚竿時間.
例2:
西水緊流或避流位,好多時D立係靠住舊石等食,而好多時我地都會貼底釣,當餌組漂過,條魚只係游起擔口餌再貼返埋舊石,此刻浮波沉左但唔郁,然後再俾水流慢慢壓沉,我地就以為頂口拉唔沉.其實以經中左.當然,有時等狙好耐之後個浮波終於都行,原因可能係條魚見咁耐無第二口餌經過轉位去另一舊石啫.
所以,有時係西水淺水區,當浮波即沉一呎,我都會試抽.
例3:
西水緊流或避流位,好多時D立係靠住舊石等食,而好多時我地都會貼底釣,當餌組漂過,條魚只係游起擔口餌,但由餌漂得怏,又或者只係含到少少,一沉就拉斷蝦頭/虫尾等等而甩左,我地就以為頂口放口.
-------
好多時我會諗,只要夾多1B或2B鉛,幾大個浮波都會沉.所以,當釣組釣棚設定啱咀形,魚擔餌後自然轉身游,就算係3指既魚,無理由拉唔沉.另外,頂唔頂口,我就會放係魚既活性高低方面去睇.
活性高,下下野拉波走,仲邊理咩頂口呀,走遲D分分鐘俾第條魚搶埋口餌.
所以,有時我地會見到慢沉順落,有時快到抽都抽唔切.
至於試餌,我就真係伙喺D影片度見過,條立魚含左口蟹仔入口,轉個身游兩步無耐就成隻吐返出來.(完) [attachment=70630] |
|
