| ymtchris |
2009-04-28 17:59 |
四月十九日南油之旅
因為公事煩忙, 對唔往, 係因為功課煩忙先至真, 加上d相又不在本人處, 所以遲了少許
三月巳經開始去籌備, 五個光猪老餅興致勃勃咁邊食飯, 邊高談闊論, 要用甚釣法, 甚麼架生。原定四月廿十四日出發, 大家巳經安排好假期, 鐵定依期出發……
但是出南油不是要出便出到, 一定要配合天時, 地利和人和缺一不可, 再要加多一項, 就是人為因素呀, 比人放鴿子(就是比人香港雞頭放飛機是也), 於是就嗱嗱聲去補飛, 一是清明去, 清明當然不成啦, 我地身為中國人, 祭祖係大事喱嗎(雖然我係一個不折不扣的西人), 唯有要提前到四月十九日出發, 就是這個問題有兩位鐵腳, 因為攞了假而不能臨時臨急去搵到人去頂更, 因而壯士斷臂, 去不成. 更甚的是又有一位同胞, 事有湊巧, 因為先天不足反應過慢到要落定時才發現, 金融海嘯靜靜地殺到埋身, 突然荷包乾硬化…..縮沙了.
如是者, 五人團一舜間只淨低光猪兩壯士, 你話如何是好? 去與留, 當堂人生交叉點, 不過兩條契弟一於好少理, 昂然決定兩人行踏上征途(全因洗濕咗個頭, 無辦法而已), 唯有希望d香港同胞能夠手下留情, 射往射往啦. 十九號當日七時多抵達信德中心(不知不覺巳經好幾年無返過鄉下, 每次都是因為釣魚既過境性質, 比阿媽駡到阿媽都唔認得, 不是孝順仔…), 橫風橫雨, 真的不知點算好, 只好硬著頭皮, 草草幫親7仔醫醫肚, 最低限度也要買些保礦力和其他飲料, 便匆匆打的到官塘碼頭去了, 沿途依然提心吊膽, 恐怕到了碼頭只得我地兩條蛋散, 到達了碼頭, 才放下心頭大石, 原來有釣友比我地兩條磨碌更早到達. 但是他們不是我們的一團, 詢問之下, 當日出三團, 但在等候中, 不知不覺其他兩船巳經悄悄然地出發了, 唯有我地這一團就連船影都還未發現, 不禁心中不是味兒, 到了接近十時, 船兒才靜靜的駛近, 一看之下只得小猫六七隻, 心想又要等d大帝, 咁都遲到, 真係離咩譜, 媽媽聲…,
於是只好把釣具先安置好, 然後安心等候, 不過就在這時船主趙明突然話『開船』, 各團友百思不得其解, 細問之下, 原來此團只有十人, 登時各團友拍手歡呼, 各團友心想實在太過超值呀, 事關平均每團人數有十四, 十五人, 屎忽就多過人, 爭位釣魚經常口角『開拖』真是家常便飯. 另外值得一提的是此船為新裝修, 設備新淨, 兩個屎坑, 任你屙過痛快….
不過超值還超值, 海面大風大浪亦是不變之事實, 全晚都是坐往海盜船一樣, 睡就完全講唔上, 小休片刻都有技術性問題呀, 真攞命呀, 因為海面上風高浪急, 又遇到對頭風, 船程足足比起平時多了兩個小時要整整12個鐘, 第一站新井, 再去唔知乜井, 跟往轉戰沉船排, 一釣巳經差不多8小時有多, 証明 上述釣點無生物跡象, 全船人只有我老友釣得腳板紅衫魚仔, 真係做魚餌都嫌佢細呀. 後來船主都覺得唔好意思, 立即轉位西井(此井我釣過相當得食, 要乜有乜), 一到此井, d老友記(池魚仔)巳經恭候多時, 各團友當時生番唔少, 海中成群蕃薯亦為團友帶來唔少生氣, 如是者各團友亦開始不停上魚, 全是章雄, 大至廿十多斤, 小的亦有七八斤, 唯獨是細佬, 依然得條毛係度穿鼻, 相當難受同無癮呀…., 直至下午六時多, 差不多是要放飯時間, 先至比我標番佢一條, 放飯兼轉井, 老井過夜是也, 船主透露老井多紅鮋要大家比d心機去釣, 我就全日放流得個吉, 轉玩手絲收一條, 於是是夜斎玩手繩, 也只能收到紅鮋, 海火點等魚仔, 大魚暫時未有發現, 到了12時魚信全無, 萬籟俱靜, 我隻手同時都開始覺得佢唔係屬於自己, 算吧! 收工了
[attachment=66908]
[attachment=66909]
[attachment=66910]
[attachment=66911]
[attachment=66912]
[attachment=66913]
[attachment=66914]
[attachment=66915]
[attachment=66916] |
|
到扑街
我部腦中左毒
我冇