笑沧海 |
2008-10-27 13:06 |
大万
注册都有半年多,无发过贴,皆因无乜钓到鱼,今次相约几位钓友出万山,都算有小小收获,发上来渔乐下街坊,献丑啦,各位前辈师兄多多指教 。
本来周六计划坐大船到东澳落脚,再飞去白沥试下,点知到左东澳口发觉风急浪高,心怯无敢落船,于是乎搭多一站偷鸡上万山,好彩几个武警大佬都无检查船飞,好顺利过到关。
下昼点半两点出右手,发觉断桥一带已经有几位钓友钓紧(后来听对讲机似乎系澳门师兄),好想飞过养殖场个咀头钓出面,但大风得济过唔到去,唯有钓返断桥。横风好大,吹到之竹好似打横弓紧鱼 ,无几耐几位先到的师兄汁位走左,而我地就继续奋斗。钓东区有一样野比较烦,就系要一路同鱼仔斗法,泥鯭真系好多,挂一个大大只赤米掉落去,ball仔反复浮沉几次,只赤米就已经剩低个壳系度 。终于,五点几突然无晒鱼仔并在两竹外遭遇打荷包 !系你啦!一抽发觉好好力,几个回合先弓到上来,白仔一条!东区既鱼同西区比真系好力好多,虽然唔算大,但系爆发力都几强下,都过到下手瘾 ,但跟住就无乜料到啦。天色暗D既时候改钓脚边,开始上牛S,连续上到好多条仲爆两口,其他兄弟都开始有鱼,其中波仔兄钓浅滩连中几口粗野,上到四条(两白两沙)割一口(怀疑系衣),有鱼钓好好彩但系区都够晒黑,卑鱼扯断鱼扣(八字环个接口)走左两饼 ,欲哭无泪 。
早水无野搞,流水好差,天一光就出现泥鯭军团,期间两次出现飞波,钓多一条白立仔,另一条爆左(可能赤米大只得济 ),八点左右完全无晒feel收竹返万山饮早茶。
[attachment=57584]
好耐无见的万山~
[attachment=57585]
好耐无见的白仔~
[attachment=57586]
今季首出万山,都算好满意~
[attachment=57587]
波仔呢条真系有D意外,大白埋边啦~
[attachment=57588]
SUNRISE都几好鱼~
[attachment=57589]
老马的黑柴双煞~
[attachment=57590]
我+波仔+sunrise的收获
总体来讲,今季第一次万山行玩得都几开心,人人都有收获,特别系有见到大白腊,好兴奋。不过有可能家下水温仲高左小小,日头好少鱼埋来,入黑就稍微好D,而且会游入浅场。 报告完毕,各位师兄多多指教
|
|