點解個 ultegra advance 係右手搞 ge?
| dacky | 2008-03-24 02:31 |
突破!! 水庫の本應我同康哥係今次322漁樂杯的工作人員，因下午才有空所以出唔成去，今次的行程，好不幸只有我和康師傅有空，大引－冇辦法兩個人照行啦，因為星期六下午才有空，我就同康師傅漏夜走上去過一晚夜第二日釣個晨水，好衰唔衰去到無耐就落起雨上尼，落得真係唔合時，好日唔上尼，一上尼就落雨，仲唔細ＴＩＭ Ｄ雨勢，我同康哥就食Ｄ野開好Ｄ傢生就訓，叫阿叔幫我地整好兩張床，唔理咁多訓覺第日先算，星期日一早起身仲有小小雨落，康哥就仲訓緊，唔理啦！落去釣魚醒一醒神先，個天真係衰，Ｄ雨大又唔係大，話佢細又唔係細，即係ＤＵＰ你唔死但係會ＤＵＰ濕個身戈種 ^^ HE HE ~ 我就囉支輕火野落去個碼頭玩，Neoversal２－６lb ultagre ADVANCE 1000S 6LB線 L-MINNOW 3.5g 初頭見到個碼頭對出有打水, 但不大, 拋左幾竿康哥就醒落左尼, 我就係le 個時候中左條加洲仔, 哈都算一個好開始, 康哥即刻話”有加洲”之後成個醒哂, 跑左上去囉竿 ^^ hehe 笑死我  , 之後康哥囉隻pencil pen 左幾下就中左條細加洲, 一中就即刻洗鰓洗甩左, 之後我隻l-minnow 收到腳邊又有魚訊, 一揪! 嘩ok size喎有30cm , 唔知係咪楂支2-6lb竿關係揪得唔到位比佢洗洗下洗甩左, 超唔抵~ 康哥隻pencil 又比野po左下勁, 又咬唔中, 激到我地兩個春袋都有氣, ^^hehe ~  康哥話快d出船啦仲等咩呀我地, 落緊雨都唔理啦, 濕就濕啦, <<釣魚能醫百病>>嗎-呵呵… 一去就過對面掃個邊位, 爬隻船係標點對開10多m, 由得隻船慢慢飄我地就一路釣, 我地兩個都係一致用pencil 攻擊佢地, 真係估唔到, 隻pencil 一落pen 左無3野就咬, 真係好過癮 , 都係d接近30cm的size但係咬得好狠, 我地兩個大大話話係le 一段路都被咬左有10口但中得3幾條, 之後一路行一路釣, 好多細細條ge都係到玩野, 得個咬字, 過到去石仔場釣左一陣雨就開始越落越大, 我地即刻夾手夾腳爬番埋岸先, 剛剛一上到岸雨勢就突然增大, 真係好彩趕得到返來, 番屋仔避下雨先，一停雨我地就玩步兵，見ｄ位咁靚都係玩ｔｏｐ ｗａｔｅｒ好ｄ，換隻ｐｅｎｃｉｌ落去，康哥就係到玩軟蟲，之後一落到去見個直崖位個邊邊幾靚就掟過去，岩岩係個邊一落就咬^^ 我都差ｄ尼唔設反應揪竿, 有d力le條,都唔細, 玩左一陣就上水, 30幾cm算唔錯,影完相就同佢講聲bye.bye... 說時遲那時快康哥又有野咬, 收到埋腳邊毫無意識下諗拋出第二竿,點知就聽到一下po水聲, 本身反應當然揪竿, 真係好搞笑^^ , 原來係加洲仔之後轉軟蟲玩,康哥條軟蟲即刻咬左野但咬唔中, 再掟多兩竿後我聽到一下好強烈的揪竿聲, 轉身一睇康哥係到攻緊魚,仲學海狗大屍打8字tim^^, 玩左一陣上到水都唔係錯喎都有30cm多d, 之後斷斷續續大家都有魚中, 好多都無影就咁放番, 中午飯過後, 康哥話唔出船係到玩步兵同台釣, 我就自己一個出船啦, 下午番左風, 水面大風左, 爬起船上尼比較吃力, 先由個邊一路釣過去, 都釣左兩條加洲仔, 之後去到草位換隻骨crank落去, 掃左幾手就咬埋尼, 力度唔錯搞到我仲以為大加洲tim, 原來係生魚, 一睇佢食勾戈個位大穫!! 又無鉗係身, 又勾中d骨位, 都唔知點搞, 足足搞左我成差唔多10分鐘先除到個勾, 之後係途中見到康哥, e 有魚中, 原來又係生魚一條 , 我之後就爬過去水庫令一邊釣, 之後上左個天然小半島仔釣, 今次用隻cherry 試下先, 係個邊拖左好幾下, 之後發現後隨有d黑色野跟住, 因為水深關係, 一睇原來係條不錯size 的加洲, 佢好似好驚人掟左好多竿都唔食, 我就退後幾步掟埋去等佢介心無咁高, 好幾竿後佢終於忍唔住咬埋尼, 我終於學到人聊興條魚啦 哈哈 ^^hehe  , 都係30多cm的size, 影完相就放反佢 , 睇睇個錶時間都唔早 , 釣埋最後一個內灣就算啦, 換隻骨crank落去先, 之後係個邊邊到 , 以一條生魚結束今次行程, 今次我地都算玩得幾開心, 希望遲d會仲爽啦^^  ~未經受權-不得轉載~ |
|
