| 肥田競技 |
2008-03-13 00:43 |
00號決戰西區
最近釣獲大不如前,每次都是一條起兩條止,很想再試爆釣的感覺,可靠消息指出西區有不錯收獲,馬上組團,三人在12號晚已經到了銅古碼頭,準備出發夢幻釣埸三怀酒,但係好景不常,你早人地仲早,好好彩巧遇某釣魚會的會內賽,比賽地點還在三怀,唔通要同佢地賽車,把心一橫決定轉戰上川,一去到我選了一個只有生流大落差先上到去釣的釣點,一開始流是由左到右,唔夠三分鐘,變左由右到左,頂,唔係咁邪阿,一去到就轉流,突然眼見波波有輕微的震動,突然飛波走線,00號竿馬上發出炸竿的最後鳴叫,一輪抽,頂,放,魚還是在戰鬥泳層,經過大約6分鐘的戰鬥,00號竿,1.2號子線被強行拉斷,估計應該是牛屎,馬上轉換戰鬥裝備,把釣組由18呎拉長到22呎,波波一到戰鬥區域馬上沉波,一輪戰鬥後,牛屎坦克上水,接近兩斤,再換彈藥作戰,右一下飛波,魚由右邊火速移動到左邊暗石,感覺就像拉動一舊會移動的石頭,戰力不及,割魚收場,呢個時候轉身一睇,身後的水位上漲了不小,現在唔走九死一生,有魚釣都要保住條命仔,轉位走人,等待下午再次跌流再上去,..
轉左三個位都係無生物,心唸唔通今日要就咁過.....下午3點,個舊石終於由海平面凸出,馬上飛去作釣,因為今日是跟友人進行單人pk,所以兩人都上同一釣點,只是左右開弓,一輪狂打誘餌,魚群開始接近,右是一個飛波,最鐘意西區d魚食得夠狠,唔洗10分鐘,已經釣左3條2斤左右的牛屎,呢個真係一個牛屎家,呵呵,誘餌用盡,回家................ |
|
