高比 |
2008-03-12 23:41 |
312西區閒釣
期日:2008.3.12 釣點:西區前面幾個山頭仔 釣餌:傳說中話我醃到冇魚食的大大粒醃蝦仁
四人行,因為帶住新手,所以三個人一舊石,另一個朋友自己上獨石,安哥一上去即時跌屋企的厠所板,因為兩次東區食左焦,邪邪地咁,所以故意唔開撈基,條魚目測大過厠所板,唔知幾多cm同幾重,因為上唔到,跟手安哥執返條老牛,我繼續上石狗同食香焦...食食下焦竟然對面開山,炸左一個連我地企的獨石都感覺到震的山,心都震埋,之後冇魚,進行第一次執位.第二個位一去到打好粉,點知有魚船一竿開落網,又見到jc老友.心諗又要焦一水!!!好在最後搏晒命在大炒白大湧位執反幾餅,割一口金金地,彈魚跌左條斤頭,因為個直涯實在太高,好難攞魚,可能水深有成竿半,都算幾好玩,以為今日有野粗,所以都用重火野,安哥竟然用G-TUNE攻牛屎,唔夠一斤的自動飛上來.太強了!另一條釣友割一口,拉都拉唔住!最後都有魚上到!收獲都幾好先!哈
最後結論:東區又好西區又好,d魚都真係好現實,冇粉索,即掉頭走!cheap,cheap!
另
今日同個漁樂網網友服部半藏出礁,佢係第一次上礁釣魚,雖然佢打左隻龜,但係都好努力咁釣足一日!我想講,唔緊要的,因為我地周時都食焦,去多幾次,多試下不同的釣組,看看水流,一定有機會中大魚的,第一次出礁一定累的,早點訓吧!習慣了...可能會好少少,比賽完我地再出過吧! |
|