naobao |
2007-10-09 13:03 |
無喇喇煲薑!!
今日同幾位老嫩揸Fit人去玩吓北水, 11點到大埔後大家食番個著名盎頭飯之後, 就拿拿林"打的"去目的地起步點"三門仔, 本來諗住行吓山,步兵入去..... 抬頭望吓天,唔見一隻雁淨係見到火辣辣嘅太陽伯伯, 當場腳軟......唉....都係搵架艇算數!! 去到釣場,搵個咀位上岸,各自各搵食... 湯記就先拔頭籌,中左條魷仔,跟住大家都有D中囉, 睇環境個釣場都唔錯,不過今次釣行大家都死唔少囡囡,始終唔熟悉個釣場! 成日都唔見有其他人上黎釣魚,行山人士反而唔少, 果度好在有D風無咁金,不過我都飲左四支飲品, 點解話無喇喇煲薑??原本約左艇家6點接, 佢老人家5點就到,仲提議車我地去煲一陣!! 咁緊係上艇玩一陣喇!! 點知又俾"湯記"同"LEO哥"各自執一劑!! 上岸後就走左去兩邊碼頭都玩一陣, 另一位師兄本來中左隻斤幾漢堡飽,可惜的上水甩左!! 一陣後我地都夠皮囉,執野走人!! |
|