| 光頭死神 |
2006-12-17 09:31 |
買個時既心態 ...... 如果以我自己既買野方式 , 就係見到鍾意既,靚既就買 , 呢樣係最簡單直接既 ^^ 當然呢 d 只係個人喜好問題 la , 但撇除呢個因素之後 , 我揀假餌既第一個條件 , 就係首先因應自己經常去或者將會去既釣場情況而作出選擇 , 究竟係淺場定淺場 , 濁水定清水 , 須要重點攻擊定係表層搜索 , 或者主攻某一泳層 , 目標魚係咩魚種 , 習慣食 d 乜野等先決條件而去選擇我應該準備 d 咩假餌去作釣 , 就例如明知我將會去一個淺場釣鱸魚 , 而釣場還境係大面積而且魚體分佈得比較廣 , 水色比較混濁 , 咁我就會選擇用淺層 minnow 或者 sinking minnow 去施釣 ; 而當釣場係一個碼頭 , 或者係一 d 魚體分佈比較局部性 , 須要作出重點搜刮既釣場 , 咁就會選擇 vib ; 當然還存在著好多唔同既釣場情況 , 但思路上都會以釣場同目標魚習性而作出選擇 , 考慮完呢兩點因素 , 就到從釣友口中打探釣場既實際情況 ( 暫不討論呢個問題 ) , 綜合呢幾點 , 就可以比較容易係云云假餌中尋找適合既假餌選購
到形容圖中戈兩隻假餌 ... 我自己就只用過owner 戈隻minnow , bassday戈隻就未用過 , 咁就先講講我對呢隻owner 既80s slow sinking minnow 既睇法 ; (未買個時)第一眼見到隻假餌個時 , 從體形上既設定來講 , 首先佢唔會係一隻 fast move lure , then 由於佢既壓水板偏前而闊亦較長,但兩邊平行 , 而且綁線位係壓水板既尾方 , 從動作上黎睇 , 擺幅唔會大唔會大幅度左右轉 , 擺動支點比較前 , 潛行深度會係1 ~2米 , 係第一眼去判斷隻假餌後得出既結果係佢將會比較適合慢拖或者 stop & go 既手法 ; 到買左之後實際測試 , 雖然說明戈度只係寫 sinking , 但實質上佢係 slow sinking , 再以唔同速度去拖動 , 發覺慢至中速既勻速收線會有比較好既效果 , 而添加動作後, 突然抽搐或者 慢速stop & go 亦有唔錯既表現 , 但潛行深度屬面至中上層 , 釣場近岸有2米左右或以上會比較適合 , 一米左右既淺場就唔係太過合適 , 但釣座離水高就無所謂 ; 總括我自己對呢隻假餌既心得同評價, 我會比較喜歡用佢係一 d 魚群活性比較高 , 餌魚唔係特別多既情況 , 以及魚群活性比較低 , 而釣場深度又有 2 米或以上 , 須要以慢動作去吸引捕獵者攻擊既情況下 ~~
而 bassday 呢隻 vib , 由於我暫時未有太大興趣買佢 ( 好唔好用就用完先講 , 呢樣係須要配合自己既操竿手法去配合 , 各人有各人既唔同觀點同喜好 , 暫時唔講住 ) , 所以都係講第一印象係點就算 ; 呢款比較長身既 vib , 背部比較尖 , 而整個腹部都相對背部閣4倍左右 , 感覺上佢係一款擺幅唔係特別大(左右擺) , 但震動頻率比較高 , 而且靜音既 vib , 綁線位係腹部重點重量佈局位置既正上方 , 拖動時向下既傾角約40度前後 , 而且身形比較長 , 略有別於普遍 vib 既肥短嘈既特點 , 下潛速度唔會好快 , 但升水速度會比較快 , 拖動時釣者唔會覺得太辛苦 , 因為背比較尖唔會特別阻水 ; 呢 d 都係我對佢既第一印象 , 不過唔知o岩唔o岩 ~
暫時講住咁多先....因為要出街 .... |
|
唔該....齋粉一碟走青同埋凍檸茶一杯
)
