於14/04/07本人與宮本兄各自帶同另一半前往香港,目的玩鴨仔通頂,以及準備15/04前往香港shimano釣具展參觀釣具.......
一到步首先與華仔兄弟,細路仔,仲有神秘嘉賓西門兄一同共進下午茶閒話家常....經過一輪口水經後我宮本兄聯同細路仔一同向鴨仔出發...而華仔兩兄弟由於翌日需出席shimano展做工作人員,而西門兄亦有要事在身,所以各人分道而行.
到達鴨記已經係晚上七時許,當時去返塘尾位,作釣期間正如華仔之前開帖提及,鴨仔d魚唔知點解唔肯食 "即吃"....仲精口到無論.......奇怪,奇怪????初時只起到數條小紅鮋.....大獲,唔通烏雲再次蓋頂????
釣到無癮同老婆,細路仔一齊走去塘頭食公仔麵,順便帶埋支竿過去,一試之下環境完全唔同.....狂上盲鬼,連我第一次去釣魚既老婆都中到魚.....睇落有版有眼幾斤盲鬼佢都攪得掂....可能成日聽我講釣魚經啦...haha.
細路仔上條6kg盲鬼....真無陰功...鴨仔一定好食好住,都未見過咁肥既盲鬼,成隻豬仔咁.....睇到細路仔開心到見牙唔見眼,就知幾開心.....相隔無幾奈我老婆中咗條堅野,話攪唔掂....我一接手一頂.....唔講得笑,條堅野已去到塘既一大半......頂咗超過三分鐘,終於斷 "腳"收場......我去過幾次鴨仔從無試過咁既情況,我幾近無得還手.....當時我見到波叔(鴨記老闆)陰陰嘴笑.....
凌晨時份我們將大本營搬到塘頭.....魚況都唔錯,打沉底,拖即吃,玩軟虫一樣得手,主要中盲鬼同星星....直至清晨就係星星既世界....大大碌,又好力....好玩
早上七時離開釣場,是次釣況ok,開心到我老婆不得了....哈哈中毒了
釣完魚仲要趕車出去睇shimano展.....趕車期間我同老婆真係眼瞓到腳仔都軟埋.......去到展場都無咩心機睇野......抽完奬即刻閃人返澳