本來相已經俾老細手多多洗左.但原來對於電腦高手來講.完全係可以做到restore的.所以記得無論手機又好,相機又好,手指都好.私人的東西一定要小心.原來就算完整的格式化記憶體,都係有機會restore的,只要時間不長和沒有cover的話都有機會,更何況只係只係簡單的DELETE呢!
提外話講完.講返正題.本來無諗住這次西區閒釣.俾魚力勾起左條根....最後都係姣婆守唔到寡..急急忙準備出發
剛到釣點.其實已經釣好多次了.只是這兩年少去西區,還記得去年暑天釣黃腳和幽面都可以爆箱.久違的釣點.開好1號竹之後.心想東區就話5主5子啫.依到號半俾多佢啦.但原來只有海狗牌175的子線.都好聽講話幾好用,早上十一點左右,剛好退定轉流,本來湧高流急的水流慢了許多.就在這個時候,兩竿外的浮波突斜向自己方向慢慢消失.虛線一緊.輕力揚竿,慢潛的感覺又來了.好像慢不經心的不理你的慢慢向下潛下去.這種感覺實在讓人不安.因為這樣的慢潛今季已經割左幾口收場了.左手邊腳底仲有個石排.嘩.看著主線將要過石.不理了,.狂鞭兩下先.果然水下面的魚突然發難開始跑動了,LB緊緊的不放.因為放一手多半都係過石收場.企咁高弓魚就是有這個好處,幾次發難沖向腳底的石都讓竿蹲身化解左,最後蠢魚沒路可走.跑向外面的深水位.承著大湧,力量真係好得人驚.再在三下府衝後已經感覺佢無咩力水了.大力頂多幾下.總共五回合就把它KO了....講左咁耐,原來只係兩分鐘左右的時間....一邊想看跑法不是牛屎.到了在外面升水黑媽媽一張野咁又以為係牛屎.埋腳邊番兩下幾乎肚都反埋,入網!拖上來是感覺有少少唔對路....有無搞錯,咁大板野咁輕手!!!!原來師傅話沙立老左咁上下就會無間絞的了.....養住係水潭到先,之後便起流了.直到兩點再中一條斤幾沙立.無粉.咁緊流又無心情開,呆下呆下到五點.流一直無慢到.再中一兩條斤頭收場.總結原來流緊唔使等.直接換位好了.這條沙立成為自己今季長度最好的一條.希望仲有下次能給大家分享.
同場人人都有釣獲.喪B拼晒命上了個金雞獨立位....又俾佢收左好多條斤頭靚!!!成為是次尾數冠軍
多謝沙立皇兄借出一粒極之好用的3B浮波,就是用他中魚的.果然係一粒好魚的波.浮得非常咁靚.下水歸還
足50CM沙立
我懷疑路過的磅有問題爆到甩轆都係得2.31KG~暈...半米長喎
重量不夠.但係影相又夠晒長同好睇喎
魚力在對面拼命呀
中魚的釣位,腳邊都好凶險.魚又會跟湧落
一堆這樣的貨魚都好不錯!
喪B努力作釣中
B哥收到不少靚仔
院長的巨物
自拍一張
院長係好喪
喪B要打針
真正的雙鬼拍頭!好可怕,院長點會無立魚,個個都有
三屍入院呀
[ 此帖由高比在2010-03-14 01:55重新修改 ]