假期最後一日,本來想去東區,後來吹雞者電話又唔通,無得去,晨咁早約左財叔去嘆下早茶!
六點幾天朦光來到黑沙....見到湧頭勁到呀!一排接一排,原來時值退定返大!加埋個東風,真係泥水咁....本來打算死左條心,但既然一場來到,點都要開下竿駁下線先死心!
開完線,落到石下面,見到外面兩隻三無痴左好多或頭,真係好多下,不過不知道由幾時開始..已經不在喜歡用投竿飛到老連咁遠釣或頭雜魚,雖然以今日的情況來說,拋下竿仔分分鐘又係爆箱或頭.....這已經十數年前同安哥仔的美好回憶.不知何解,現在很多釣魚人,包括自己在內,只喜歡主釣立魚.等財叔一齊落埋來,一邊吹水一邊釣下魚,真係幾開心!
今日成個海外面係或頭,近岸係白蝦,蟹同雞泡的天下!好在執返一條食用裝唔使買野返去煲粥!!!廢話就唔講下中魚過程先!
落進工具:
打竿: 瞬技42/53
目印:十元一揪日本線質目印2米
主線:2號雜牌主線
子線:1.5EX
絞:友人贈送不知名絞仔....佢話係黑鯛工房餅仔絞一粒...但係又無寫住喎..
餌:花鯛浸蝦仁一粒
條魚個樣幾無辜..嘿嘿
過程
起初半時小走來走去,都係白蝦同蟹.雜魚仔都搞餌....走到其中一粒自己以前中過幾條班班的位置.放下口餌後,2B夾鉛引領口餌和目印均速緩緩下潛,一邊探索著個石口的深度和目印的下潛變化.突然在一個相同的深度目印停留下來,因為之前這個位置應該是落到去最後四粒的,但於七粒的位置停了下潛,由於本來平靜的內灣開始有水進出,目印反應魚訊的效果明顯減少!輕提口餌,因為這個深度沒到底,一定不是中地球,竿頭傳來非常輕微的咬力震動,再加少少加輕提竿頭,一股力量快速傳到竿頭,本能反應同時揚竿作合,條魚都算醒目,打橫向左手邊腳邊射去,但因為是4.2米的竿,行兩步已經收返好多手線,第一回合輕易將佢帶離腳邊,直射外面,學日本仔玩落進咁打兩下椿,佢又返來,進入第二回合條魚又向右邊散石石口射過去,睇住主線幾乎要過石,死都將支竿向外舉,第二回合條魚過石又失敗左!只好又向外衝,第三回合一口氣將佢在外面直頂飲水!財叔撈基侍候!漂亮KO左條黃腳.好一條漂亮的黃腳,本來想繼續釣!但財叔話唔好晒左條魚,今日無帶冰,所以快D放血回家煮左佢!新鮮好多!咁又係,一條就夠,財叔戈條留返下次!長釣長有,多謝財叔幫助影相同幫我帶來魚運,兩年沒中過大黃腳了(在這個地方)!下次我地再飲早茶,釣過!
PS:
威羅你支野自從前年到左我手上,已經中過50匹以上立科....
雖然上年俾條傻鱸在閘頭操到傷痕累累壯烈犧牲!!!
但大大明白點解我千辛萬苦都要佢復活未....你加持過真的不一樣
[ 此帖被高比在2008-11-24 17:18重新編輯 ]