今日阿爺生日,所以今日一早就番左鄉下,咁就緊係唔執輸囉埋d傢生番去
釣魚啦,而我阿叔又應成左帶我去水庫釣魚,咁就緊係囉埋d假餌傢生番去
啦,不過我都早有準備,如果假餌無野玩咪死,所以又帶埋d台釣傢生番去啦
^^,準備左兩包鯪魚粉同一包918段估都夠釣掛,^^,答緊車戈時就係咁
落雨,心諗 ! 死啦番去咪無魚釣,點知番到鄉下又停左喎,簡直太好啦…^^
一番到去就去d野塘仔到玩下假餌先,睇下有無生魚都好,玩左好耐一口都
無,軟蟲又無,硬野又無….乜都試暈啦,><! 之後釣釣下我阿叔就尼到,車左
我地去水庫釣魚,個水庫我都唔記得左叫咩名啦,
因為由鄉下語言翻譯完之後覺得好怪個名,之後就無心去記佢啦,^^,一去到
,個水庫比我感覺就係好大,不過就乾哂水 ^^ 睇見無草無盛都唔知有無加
洲同生魚ge,
之後行左落去釣左一陣,都係軟又唔食硬又唔食,之後決定轉位,去第二個內
灣釣,之後又見到有兩個人係到釣,簡直就係強暴,用差唔多係大湖d人釣鮫
魚ge釣組用係水庫到,5支竿,無敵大浮波掟出去,超級粗ge投竿同手竿,嘩
……. 洗唔洗呀…^^ 真係有怪獸唔通,之後我阿叔就話le到有d鯇魚,鯉魚
幾廿斤,埃及塘虱百幾兩百斤,之後去到個內灣都係無野釣,就決心玩台釣啦,
開好粉先,開埋支竿,set好個釣組,原來都幾深下埋邊都,釣左好耐都無魚訊,
死啦,有無魚傢le到 ><!!!! 之後釣釣下又落雨,被迫走人,番屋企食完飯再
釣過,食完飯就話過隔離村魚塘釣,不過要搵我阿叔去同個塘主打個招呼,咁
就可以釣啦 ^^ he he .. 一開始係開le個鯪魚粉釣的,其實我最想釣係鯪
魚,^^開好竿,set好哂釣組落兩三口,以經覺得有魚訊啦,之後戈口餌一落,
去到兩目之後,嘩….. 黑標.^^ 好自然更係抽啦,嘩 !! 有d力,咩魚尼ge呢?
弓多兩野,原來係條鯉魚^^上水影完相就放番佢落去啦..哈哈..再尼過,落到
兩目之後沉半目一抽,中..原來係條非,食到咁仆x都有ge ^^ 之後都係咁中
非,起馬都起左十幾條非,又甩左唔知幾多口,之後又比無數咁多小魚搞,之後
決定轉位,去到塘尾ge深水位試下,因為我阿叔話塘尾多大野,一去到set番
好個深度,一落第一竿,等….等…. 之後沉左一目,一抽…… 中 !!!! 嘩…..
咩尼傢,好好力,!!係水面飛奔緊,好彩手快蠻得佢住,幾鬼好玩呀.^^我係咁
打8字,之後上到水見到都好大look,就即刻叫我表弟騎單車番去囉個網尼,
之後都玩左都有好幾分鐘,我表弟又未見人,條鯇魚特然之間發力,甩左個口
個勾,令外個勾就勾住左佢個身,之後一時心急就叫我細佬幫我囉住支竿,等
我囉條魚上尼,之後抱住左佢上尼啦 ^^ he he… 影完相又放番佢落去,點
知放佢都唔生,唔走tim ^^,我祝你好運啦,之後又落餌,沉標之後又托標,心
諗唔通鯪魚^^ he he 成個人特然精神一陣,睇準d魚訊,之後又托一沉,一
抽 ,中…有小小力…. 嘩 , 真係鯪魚呀… ^^ 幾鬼過癮…之後就連續釣左
4 5 條, 之後無耐部車就尼到要執野走啦,總數今日一共四十多條,有非洲鯽,
鯪魚,鯉魚,鯇魚,…. 短短ge兩個鐘頭就過足哂手癮啦 , ^^ 勁好玩…
等暑假又番去釣過先,……. 唔講咁多啦, 你地都睇得辛苦啦 , 去片啦………^^