819有我同仔輝兄秘密到訪佳記...目的要要尋找釣大物既感覺
大約早上09H00到步,未開好竿己見到D釣友起魚起到砰砰聲......大咬時機已到
咦.....宮本兄喎,咁機玄咁都撞到,之後就結伴同釣......
開好竿後立即到塘尾作戰,首先仔輝兄下竿不久即中大星....佢支零8BBX真係認真過癮,玩足佢幾分足,本來
諗住佢實食無痴牙架啦,點知大星臨死前的一個擺尾咁就回歸大自然......眼見仔輝兄一臉失落既表情...無奈
各人收捨心情繼續釣魚......大咬時間各人均有斬獲,今日D紅鮋條條都唔細,有一至二斤重認過癮.....
不幸既事又來了,我係塘尾度不足半小時內連割兩口勁既...無咀駁,D暗椿發揮到好大作用....強暴實錄而
家先至係開始咋
大咬時間過後塘尾無咩料到,咁我地三人轉到塘中間作戰......我同宮本係咁飛生蝦但係無咩料到,但仔輝兄
就相反咁密密起魚...何解
,原來佢釣有小小臭既連殼死蝦..見佢玩得咁過癮我都勾隻死臭蝦
落去玩吓先,攪兩吓咦有反應即抽,大紅鮋一條,咦得食喎,繼續再黎第二口又中....2HIT
正,唔好比佢停,再飛隻臭蝦落去攪大佢,攪兩攪有魚訊即抽....嘩嘩嘩,,,,大野.....一輛失控既跑車開動引
擎全速前進.....拉力不停咁出,我就不停咁做動作去減低爆發力....但係巨物仍然恐武有力咁由中間沖到
塘尾,又由塘尾返塘中間之後又去咗另一邊塘方向,點知隔離個亞就唔生性,唔願意收絲等睇野,反而投竿
作釣.......就係咁佢個勾勾到我條2號主絲,大獲就算解返都對主絲有負面影響.....見無野就繼續同未見到
魚影既巨物作戰......嘩佢又要沖出中間既明椿....但係眼見自已既架生屬羽量級,無得死頂......係呢個關頭我決定咗禁杯,點知都係無補於事,佢繼續橫沖直撞....玩咗大約二至三分鐘左右,主線應而斷........呀救命呀
,玩足咁奈又唔係比椿割.....唉應該係頭先比個亞叔勾過條主線,使其負荷不來...就係咁我就比巨物大大力地強暴了...
嗚嗚.....連佢個樣都未曾見過呀
大戰完巨物之後同觀戰既宮本兄閒談起來...原來佢較早前同樣比不知名巨物拉至明椿割斷....原來唔淨止我
同仔輝比巨物強暴,原來宮本都係受害者來架
上半場就咁完結咗,而下半場就較為梳口..只有零聲魚訊....直至接近黃昏時再有一小段大咬期,不過上得唔
係話好多........
今日亞佳唔知有咩喜慶事呢,連放三十多條大星星.....勁多紅鮋,黃立倉...嘩早知明天才去啦
.....大家唔好意思,今日掛住釣魚無咩影相,敬請見諒
[ 此貼被小小強在2006-08-20 01:16重新編輯 ]
