之前因種種問題而未能出動....尋日終於打破悶局同好友再戰江湖 ! 大約5:50am到達釣點,好友已經急不及待去尋找敵人...
果然不出10cast ,就成功HIT中敵人,但係敵人太過強橫,CERTATE HYPER CUSTOM 3500 FULL DRAG 照樣硬爆入石......
最可惜連隻DB都沒收埋......之後因為發生咗D意外....好友決定收竿並陪我再搵敵人報仇.....時間一分一秒咁過去....係其中一
次收回假餌到腳邊之際....突然見到一個黑影撲向假餌...本能之下大力一抽~~~中 !一輪掙扎之後...終於見到敵人個樣...色狼一條....
影完相後就放番落海....之後同好友行到駁尾一個完全唔起眼既位....心諗都唔會有乜好嘢架啦....好友話既然嚟到,不妨一試....
第一CAST無.......第二CAST收到一半~~~~中! 敵人非常凶狠...支竿出現前所未有既弧度...我隻STELLA 4000 9成半DRAG之下瘋狂出線 !!!
今次不容有失...我單手高舉支竿,另一隻手車輪式收線....好友全程觀察住敵人既一舉一動...每次敵人再想硬爆入石時...便提點我死都要頂住....
前前後後敵人硬爆咗我6,7次....終於收到腳邊.....當我見到水中敵人盧山真面目...不禁講句 OH MY GOD ! 一條金紅色,又肥又大
既紅鮋終於比我成功KO佢...幫好友出番口氣 ! 之後用尺一度...59CM~~~~再磅下....5磅半多D~~~~我同好友都好開心 期待下次出動再中大條D~~
[ 本帖由gurespII在2009-08-03 19:30重新修改 ]