10 / 04 星期五，復活節假期第一日，威發三劍俠又再出動，不過今次近近地青龍頭同馬灣一帶悠釣一番。魚餌方面主要選用黃蝦，三劍俠都係用八磅絲作釣具，今次真係睇下邊位功夫了得，艇家示意後三位急不及待試試情況，一盞茶時間阿頭首先釣得一尾青班，約 4 斤，緊接其後就係球哥又中一條青班，重量相約，來哥轉眼又得 3 斤黑立，三劍俠不相伯仲，互有成績。但艇家亦還以顏色，午飯前他釣得紅鮋一條，約 3 斤。午餐後轉往馬灣，形勢馬上逆轉，因為青班已失去蹤影，換來的只有一條黑立；閒聊一輪仍未有進一步收獲，但三劍俠仍耐心等待，終於 ………. 一個機會就造福了魚會上下，因為三人連環釣得多條鱸魚，您一條，我一條，艇家得閒又一條，結果總共釣得 12 條鱸魚，最重為 9 斤，其餘體積相約，經過磅後為 6 ~ 7 斤，三劍俠打成平手，一打啤酒除三份。
回程之前致電總廚芬哥報上魚獲，當晚大班會友一齊品嚐芬哥 “拿手” 名菜之一 鱸魚羹，每人兩大碗仍唔多夠皮，再添食 !!!
詳細資料及圖片：
http://hk.myblog.yahoo.com/fialai/article?new=1&mid=1463
