查看完整版本: [-- 初五三杯戰白鱲 --]

-> 海 磯 釣 訊 -> 初五三杯戰白鱲 [打印本页] 登录 -> 注册 -> 回复主题 -> 发表主题

lfyyy 2017-02-22 17:30

初五三杯戰白鱲

    初五三杯战白蜡:
    初五會內打比,朝早出到大襟,風級唔大,但係暗湧好犀利,全海都係黃泥水,由于赛区限制无法转位,钓一上午獅子環防波堤无果。中午輕微收涌,由於水濁,團內投票一致通大襟團轉戰三杯,將大家送曬上西面位置后剩低自己一个,避涌位已经满人,頂硬上左三杯正東面梅花樁半島獨石位,啱开始大炒,無法指釣,等到落流到了四分左右,风涌都收,水色转清,开始起身重新捞粉,一口气谷左半桶落海,开始一个钟陆续钓上一滴細黑沙,牛屎等等。到四点半天色转阴,望住荷包方向负浮放流,避開較大的面涌,粉打脚边炒涌,放到兩桿的位置突然钓组停頓虚线拉直,轻提试探,突然拉桿頭,呢種力度可以肯定系目標魚大白蠟了。

[attachment=147738] 
[attachment=147740]


    书接上回:
    第一口大白蜡上钩,巨大的力量在五米的钓位居然都竿尖插水。钓竿被慢慢拉起少少,突然水底果位爆发第二道力,慣例第一口系一手不放硬顶的,去感受鱼的力度,但突然想起自己的钓组是早日钓蚊洲剩低的,125竿,2主、1.7脚!唔掂,都係讓兩手线先,就系思维闪现那刻,它爆出巨大力度下沉,心知不妙,“噔”的一声,主线彈飛,阿波和前段钓组無曬。呢口更生摱断,手感至少系過五的白蜡。

    断口后唔系好服气,即刻重綁钓组,連車20勺粉。今次钓组換到1.0波同配重,等距直达吊棚,南极虾勾四五只。继续多打粉在礁石边,等浪涌持续卷入,钓组放脚边潮涌,控线带出反撥潮过了第一级再全放深度,搜寻包括脚边的全部位置。好快还是系在反拨出去两杆远的位置,再次拖杆,力度幾強,不過比起上一条界物有所減弱。


    我的钓组较細號數,唔敢大意,呢次采取缓沖战术。開始魚從正東轉向右手邊水道逃竄,反向橫桿頂住,一頂住去唔到果下,條白蠟即刻加開turbo下墜(通常白蠟路數),唔敢硬食,即松一手線比距,松完即刻壓桿收三手線,再弓翻起距,唔好洩底一手線比距。再度發力還系向西南方向水道走,同樣路數又係比一手讓一下勢再即刻追番線,等於條魚還系未走開過,但係就緩衝左距的勢頭,消耗距的體力。條魚發現無機會走西,繼而翻返東南面腳底抄白位向下沖,我都還系果一手,爆擊過下比手距讓一讓,跟尾快速追番。卒之鈍左幾下之後,條魚慢慢比我一手手甘攪左起身,終於上到水面,喜出望外,一條接近四斤的白蠟起水,轉身摞起抄網,條魚埋到腳邊慣例還系插左幾下水,好彩石口比面,無割到(上黎子線都係花曬,怕怕!!!),順利爬落去半山抄魚入水(梅花樁半島位離水較高,5m抄網需要趴低或怕落一級抄魚,但常年炒浪,小心地滑,建議還系攜帶6m抄網較穩陣)。跟尾已經唔系好夠粉料,臨收工還釣翻條斤裝黑沙。憑住幾條魚獲,還在會內打比分得部分彩金      。還系驗證一條真理:打比賽白蠟真係打唔過牛屎,另外賽區的會員在內塘釣獲幾口大牛屎,輕鬆將我KO。
[attachment=147739]







阳江漠南 2017-02-22 17:57
  
水色麻浊麻浊

3901 2017-02-22 22:22
已很久未見過仟字報告了,師兄

小魚兒 2017-02-23 00:37
又係時候出三杯啦

鲤化龙 2017-02-23 02:46
文章好精彩

1魚 2017-02-23 13:34
未去過三杯,個釣位好似好靚

kam.wong 2017-02-23 16:28
   高手,高手

lfyyy 2017-02-23 16:37
魚叔,果度系巨型記錄級白蠟盛產地,得閒一定過黎挑戰一下。

itit 2017-02-24 22:52
很久未見過仟字報告了

小叶 2017-02-25 20:49
高手高手

deecat 2017-04-21 14:40
利害!!!!!!!!!

阳江漠南 2017-05-02 18:53
三杯的钓位水深一般几深?

lfyyy 2017-05-08 08:44
几个岛深度都有差别,一般是8-12米深,发帖这个钓位就是竿内5米,竿外7-8米


查看完整版本: [-- 初五三杯戰白鱲 --] [-- top --]



Powered by PHPWind v7.5 SP3 Code ©2003-2010 PHPWind
Time 0.010332 second(s),query:2 Gzip disabled

You can contact us