小魔女SOS |
2011-11-01 10:48 |
哩罉仲唔結撻撻~
看標題仲以為發生咩大件事冇事又係講飲講食既時間到姐睇落沒甚特別粥一罉其實佢係一罉有錢都買唔到既粥點解咁講因為用上二十多條唔同品種既正宗海魚+埋D魚頭,魚骨煎香拗出一個濃郁湯低,再用五條斤頭至二斤既白立同牛屎同樣煎香用上愛心,耐性,時間.....慢慢拆肉,足足花了五小時做出一罉又香又綿既魚容粥時間就睇你自己了,可能你地2粒鐘就攪掂因為我要等D魚慢慢解凍所以時間就用多粒幾鐘,我個人不喜歡用水浸住解凍會失了魚本身的鮮味
煲魚容粥小貼士: 米最好分開煲,即先用少許水煲白粥低,不過唔好落太多水,到時將魚湯加入~ 魚煎香一點乾身點拆肉好拆D香D~ 切多一點薑絲放入粥內同煲~ 食前再放些芫茜仲正~
粥後甜品:榴槤雪糕
煲湯低既時候魚本身會有大量魚油流出,我會用隔油壺把魚湯先隔一隔再用來煲粥 |
|