既然松谷英勝有張100kg 既碟出 , 我地又點可以執輸 , 一於越搞越大鑊 , 黎個 100斤 釣獲先得 ^^
話咁快又到星期三 , 又係橫琴佳記開門做生意既日子 , 再咁o岩又有 fd 放假一定要陪佢去釣魚 , 咁即係唔去唔得 la ~~ 今日既主角就有 我 , 青文 , 保哥哥加上我老媽子四個 , 肥仔同康師傅就晏 d 先黎觀光 , 咁就等我地幾個釣曬 d 魚先 la
去到開好竿 , 我o岩o岩綁好曬 d 釣具 , 保哥哥就話中魚 ~ 真係快 !! 而且仲一中就大野 ~ 見佢拉得咁辛苦都知非紅鮋莫屬 , 兩分鐘後終於搞掂條魚上水~~ 大(盲眼)紅鮋一條 ^^ 1kg 左右 ~ 我又拿拿臨勺隻蝦拋出去先得 ~ 點知第一口就割我既... 頂.... 三次著兩次第一口都割我.... 唔係咁賤呀!! 即時轉移目標唔釣咁出, 釣近岸個 d 紅鮋仔壓籠先 ~~ 真係超密手 , 一放落去就有 , 雖然唔大 , 半斤到 , 但起碼有得玩先丫 ~!! 釣呀釣呀 ~ 不經不覺咁又釣爆左一個籮 ^^ 但最搞笑就係阿青文大佬拎個士巴拿+強暴竿居然狂係度割呀斷呀咁 ~ ^^ 笑到我死 , 等我下次又拎個 stella 去俾 d 魚強暴下先得!!! 釣況大約持續左兩個鐘左右 , 雖然真係好好釣 , 但我地要冒住橫風橫雨去釣 , 真係辛苦 , 隻腳仲要痴滿泥 , 人都高左成呎 ^^ 跟住見呢個位釣到都差唔多 , 轉架部再搵下魚先得 ~! 去返大前日狂割戈個位度 , 拋左幾竿 , 係我未收線之前已經有魚食餌 , 帶一帶枝竿就即刻抽竿 ~! 大鑊 .... 點解條魚游得咁慢既..但攻極都唔識上 , 而且只有出 , 根本無機會收線 , 係咁俾佢出下遠 d , 再出又遠多 dd , 一下沈實既感覺傳黎 .... 埋樁呀.............. 頂 !! 呢條九成係大斑 la !! 唔多游但死向下蠻力衝既魚仲唔係斑 ?! 做咩係我用枝鼻涕個時先食呢 .... 等呀等.... 結果都係點整都唔出返黎 .... 唯有試下換位拉睇下會唔會走得返出黎 la .... 結果就係呢個時候甩返個勾出黎 .... shit~!! 算數 , 放你一次 , 下次我拎返枝 g craft 出黎你就死 ~! 跟住一路落黎既釣況都差唔多 , 搵到窿位就有魚 , 平均一個位都有五條魚左右係度 , 釣到中午 ...... 不經不覺已經開左五個籠裝魚 .... ^^ 仲要四個都係爆滿既添 .... 但兩點至四點呢段時間真係幾悶 .... 好彩朝早中得多o者 , 係時候走人 , 將所有魚秤過之後 , 總重係 96斤 , 接近一擔 , 數量無計到 , 但都有60 條魚左右 , 兩條1kg 左右紅鮋 , 兩條超過 1kg 既盲鰽同大量紅鮋仔 , d 大盲鰽真係好鬼好力 ~!! 又肥又闊身 , 真係好好玩 ~
到我地走之前 , 塘主佳哥仲落左七條大星鱸落塘 , 同大量紅鮋盲鰽, 仲放埋廿幾條幾斤重一條既黃立倉落去添 , 星期六個鑊就金 lo ~!! 實有得過癮 ~ 不過呢度真係好好玩 ~ d 魚又密手又大條 , 次次都幾十條 , 去邊度搵呢 ?! 而且次次都實有得割下 d 大魚 , 証明的確有大魚係度 , 而且仲可以預購入場卷 , 買十張就有九折 , 都抵玩丫 , 而且又可以用到八月尾 , 對黎得多既釣魚佬就o岩曬 la ~~
圖片部份將會繼續由 戰地記者 康師傅提供 ~ ^^