仕掛棒佢由三舊野組成 , 圖片中你可以見到左邊兩條就係中間硬膠既部份 , 最右邊就係包埋兩粒雪糕筒咁型狀既軟膠 , 用個時將兩粒軟膠拉出黎 , 然後你見佢點砌埋既就對應返要點穿個兩粒膠 ( 你唔識的話咪話俾我知 ^^ ) , 穿過左兩粒膠之後就再套返中間個枝硬膠係兩粒膠既中間 , 總之你就要砌返到圖片中既樣 la , 只不過加左條線係中間咁解 , 咁就可以固定到位置 la , 你留意下係中間條硬膠度會有兩個凹位 , 對稱的 , 條線就只要" 涉" 係是但一個凹位度就得 ga la ~~~ 點解固定到 ?? 因為軟膠迫實中間條心 , 咪會固定到 law ~~!!
銀色個 d 零圈一般都唔會 造到好似黑色個 d 咁細 ga , 話就話同樣係12 號, 但體積同重量上 , 銀色係大過黑色個 d , 而且質量亦都無黑色個 d 咁好 ~~
點解要八九成深....... 因為釣組輕 , 我同你講左係唔駛落夾鉛或者落一粒比1Ｂ還要細既Ｇ2夾鉛就足夠 , 所以釣組好輕 , 如果你粒仕掛棒調得太低 , 咁就要通過母線去調整深度 , 母線要經 過浮波既距離多左 , 咪會慢左落到底 law ...... 而且個塘有幾深丫 , 你既子線都用到成米長 la , 仲有幾多地方俾你調丫 , 但你記得子線一定要唔好咁短 , 唔好慳 d 咁既死人數 ..... 1米係基本 , 如果釣場真係太淺就相對縮短少少 , 一米至一個人深的話 , 用一米至米二子線最好 , 號數用1 號至1.5 號好 la , 乜都夠曬 , 最好用0.8 添 ~ d 賤立咬你唔斷既 , 中星星或者其他就無得講 la , 但只要你唔做強暴犯的話都仲有得上 ~~ 而我同你講既呢個釣組設定 , 暫時只針對釣塘 , 當然出海一樣係咁用 , 但相對就要改變 d 設定 , 所以你唔好理咁多 la , 搞掂你目前所要求既野先 la
