今次遠征參賽真係幾辛苦, 攞住啲釣具四圍去...又要過關, 上車落船.
但一諗到可釣魚, 加上各地朋友的幫助, 就開心!
講番比賽, 小弟帶咗支1号ATTENDER 出戰, 諗住挑戰啲5斤牛屎....一開始用2号主, 2号腳. 全無魚訊.主流又在出面70米,放流出去又無料到,得啲外道小魚...從2号腳一直轉到1.25腳還未成功令對像魚吃餌. 真水皮.
大約下午12時同隊釣友likevin 弓上第一條魚(釣2斤).主流開始從他的咀位一直開.kin也開始中魚.
但我的釣點有點像內灣, 主流一直沒有壓入. 最後hungjay2004同我决定行100米礁石去那咀位....
一去到因釣位不多, 我就落咗一個低位作釣. 投咗2次餌發現我的企位下原來有凹槽, 突然浮波下沉, 一拉不太大約2斤多, 但條魚好醒走向我腳下的凹槽, 因弓角太窄只好令竿頭喝水, 條魚雖一直向下拉, 但也給我停了. 我頂多手, 收一吓之際........鳴!! 原來浮波頂斷咗竿頭. 好少理!弓咗條鱼上水先....成功上水牛屎一條. 多謝7百大元.
時間有限, 走回原位換竿太遠了! 唯有斷竿繼續用, 魚繼續上! 比賽就是殘皓的....
回看kin哥又中一條粗嘢, 弓咗分多鐘條魚在暗礁四圍游, 加上1.5号腳給他的壓力, 真是超級驚險.kin哥是第一次出礁的初哥啊!睇到我同hungjay2004流晒汗.第三名就是這樣?生!
