申请珠海区矶钓鱲鱼榜

鱼名：南洋黑鲷（牛屎）；
长度：52cm；
重量：6.5斤（当日码头称），第二日钓具铺拍照称6.3斤；
钓点：高栏岛小三浪（长咀），散石滩；
钓棚：1.2-1.8米；
钓竿：gamakatsu VR 1.5#；
钓组：钓研 大西满 G2波，B咬铅勾上30cm，负浮力；超人千又3号勾；
见证人：蒲矶会 志叔，阿能；
过程：穩左個禮拜三的閑日，3條友仔殺過去珠海小三浪，成海的船佬都畏懼5級東風唔敢出船，好彩在老友引薦下聯繫到沙膽船佬根哥，船仔40匹就細左小小，但係手技術就真系掂。

    去到長咀咀頭沉船位海浪滔天，唔使考慮，一直順住摸入去內彎。咦！發現個睇落水深ok但避浪湧的斜排位，一于決定殺上去，第一下無驚無險，能哥仔一個馬步就上左石，凈低志叔系船頭遞冰箱。呢個時候突然一個橫涌炒埋，我地只艇仔即時成六十幾度翻側，心入邊惗住死啦死啦，要落水啦，咪埋眼等死，結果奇跡出現左，只艇突然穩定翻重心達翻平，冰箱粉箱亦奇跡般還全部健在，再望望船內，全部滿曬水，發覺自己底橫都濕埋，哇，真係天神庇佑啊！！！經過呢鋪之後，船佬謹慎左好多，每次頂礁望住後邊的涌，一次靜系上一件貨，經過幾次上貨，志叔都跳埋上石。

    最尾得翻我自己未上石，無人遞野，決定入翻去再內彎d的碎石位上船，去到內彎位果然風平浪靜，我就平平穩穩甘上左石（呢陣時手咪先至傳來能哥仔把聲，距話頭先翻側，距系石度見到船佬根哥已經比浪沖左落海，但係即刻以迅雷不及掩耳盜鈴之勢就一腳踩住暗排，兩隻手一頂，頂翻正只艇，我地先不至於翻船，船落翻水之後又瞬間一跳上翻船，成個過程唔到2秒，有如行雲流水，好似佐敦連過5人再黎一鍋三分起跳鋤樽甘震撼，當時距就睇到眼鯨鯨，等我上石后先甘系手咪同我講，系呢度再向神奇船佬根哥致敬！）

    所謂大難不死必有后福，就係上船位睇到水色唔錯，黃綠黃綠牛屎水，根據記憶描畫出暗礁的位置，開好餌，整翻兩個深水炸彈落去暗礁中間的水道，跟住尾開竿。現在系漲6分，水深1.5-2米，浪湧炒散石亂流比較複雜，海底高低差比較混亂，考慮到呢度的牛屎系機貼地的，於是決定用釣負浮，浮波釣研長身2B波，子線1米，子線、主線分別3B咬鉛穿珠仔。

    能哥仔和志叔的釣位涌口太勁，還系度穩緊位落竿，我已經打緊粉開釣，釣到半個鐘，大約系漲8分到，浮波入水幾秒未有反彈，提下竿尖感覺到盯口，立即手腕一擰，揚竿刺魚，大體重牛屎頭三道打樁力即刻感覺到，拿住支老火gama VR 1.5就係爽，硬頂唔怕炸，又夠腰，隔硬將條魚拉離水底，動作完全就係南油派，唔理條魚的感受，距點躉都好，我就系死掹（再次感謝
varivas和toray的不斷之恩）（還有就係介紹下當時自己的心態，完全就係當作4斤魚黎收，所以完全無心理壓力），收線兩次之後見到渾濁的海水入邊一條巨大的身影飄過，當時就嚇餐死的，好似面盆甘大一餅。等魚系淺水層橫過兩次后，認為條魚系甘大嘞，得戚甘羅過手咪同能哥仔和志叔浮誇：“我中魚啦，好大餅！”正所謂大意失荊州，老水還要睇天氣。就係dove低頭講咪時，呢陣時一個涌口過黎，條老牛果然系鬥爭經驗豐富，順住個涌利用最後一道力系甘插入去右手邊腳邊的亂石處，果下後悔都黎唔切，支VR完全頂唔到魚力+涌力，眼甘甘睇住條大牛插入去石區，突然支竿一空，割左！！！叼那X。。。真係想將個礁躉爛，後悔莫及，如果上天再給我一次機會，我絕對唔去講咪，認認真真講條魚羅到手再講（呢陣時能哥仔還在radio入邊潤我，開桿中埋收桿魚）。釣魚佬都知，爆口就累街坊，呢個釣位一輪搞作還走埋魚，肯定無魚埋了，於是乎人力轉位去10米開外的一塊突出石，呢塊石前前後後企過幾次，都有中型的鱲魚釣中，但係就未有見過頭先甘大餅的牛牛了，惗住無理甘多啦，拿翻幾條中體重的有得交差都好。由於熟悉釣場，去到唔使測釣棚就直接落竿了，呢陣時，感覺到有細魚叮，難食蝦好快消餌，於是換落醃製蝦仁，就甘樣釣左個幾鐘，無乜動靜，睇下表，12點半，就快漲定，休息！拿個士力架和葡萄適填下肚，系石邊嗙底眠一陣。約莫半個鐘到，聽到潮水拍石的聲大佐，知道大概開始轉流了，退潮了，快快脆拿起架撐起身開工。還系繼續蝦仁，釣到幾分鐘摞起睇睇，咦！！！無消餌。。。即時開心，換落釣魔王難食蝦，唔知系未真係甘見效，一換落幾下，釣組好似卡底甘，掹下無反應，但係感覺五對路，再用力揚竿試下，呢野羅命，可能吉得條大牛個痛穴，距決定唔再扮野，發力同我死過，第一道躉地力將支VR拉到點水，支竿一度出現wingwing聲，但係我有過頭先擔大餅上水的經驗，死都一手唔放，一于死弓，兩隻手還暗暗發力向上拉，舉到頭頂就收兩圈線，由於淺場，收得幾下線時浮波已經出水，認驗左以前老師傅講過的，牛屎由得距幾大，只要掹距離底距就無得惡了。我終於做到了，拉離底后，牛屎的低游速在淺水層完全發唔到惡，加上我適當繞下八字帶距游船河，係我面前過左幾輪之後終於浮上水面。哇！！！體型還大過頭先果條，成個面盤甘浮系水面，今次無得掉以輕心，繼續提起個魚頭，等距吸下d霧霾空氣，毒暈距！由於釣位系凸石，受環境所限，抄網無地方擺，要擺系後邊的平石上邊，我回回頭睇清楚身位，放左一手線后一個跨步跳去平石擰起個抄網就即可跳翻過黎，翻過黎睇下條牛都幾乖，還系原地片水。fing個抄網出去，手執半截竿身，準備抄距時，條大牛利用最後一道力還想插腳邊逃走，呢陣時的都幾險情下，即時手摞起竿的半截頂住，不過條魚就強弩之末嘞，乖乖地好快就入左網（古大侠的三角网头真系几好抄，好顺利兜起条鱼），掹上黎的时候就感觉到真系好重，成6斤打上，破晒自己记录，心中暗喜。
    其實有甘的收穫已經滿足了，畢竟破曬自己鱲魚記錄，一輪影相，radio吹水之後，惗翻起，系喔！大餅一黎黎一對的喔，個海可能還有一條系度等緊，快快手換子線和勾（子線好彩無點磨花，但係3號超人勾已經拉到微曲，勾頭撞牙后已經欒左）。繼續一樣的釣組，一樣的釣餌，放翻同樣的位置，果然今日真係自己好好彩，重複落餌兩三下之後突然一樣的感覺，卡底，但係感覺可以拉郁，我心惗，你無扮野了，用力揚竿，好快條魚開始發惡（呢條魚事後確認應該系公魚，體力會更加好），發覺呢條魚的力度可能超出頭先果條20%，好7大力，哇 哇 哇！！！自己已經比距拉得自言自語（想學學松田大叔，呻吟出離系未增加戰鬥力），公魚的出走路線靈活多變好多，唔似母魚的一味躉地，公魚系躉左兩下后發現我都唔系一個善良的人士，突然向竿半遠的暗礁衝去，VR呢挺竿真係反應夠快，我一轉竿頭，即時頂住，距無辦法包到石又轉身從左右邊沖去右手邊的暗礁，我再次八字變換，唔比距想點就點，條魚又只可以乖乖地轉身穩出路，兩輪之後，系一次包石唔成功后，條魚一返身我終於見到距個真面目了，同頭先上水的大牛差唔多體型，哇，發達啦，一次過破兩次記錄，爽死無甘爽！！！又故技重施，跳翻去摞起個抄網就跳翻過黎。就係fing抄網的時候，條魚用最後道力突然爆發，插腳邊，由於企個位系低位，今次只手唔記得拿住半截竿，導致支竿舉得過高，就係條魚發惡時，我盡力舉竿過頭頂惗住頂住距，結果發生慘劇，VR的舉起角度導致竿頭對折，啪一聲，支竿應聲系二節斷開，呢陣時條魚還未走到，我一伸手抓翻條主線，惗住繼續同距周旋，結果條魚一發力，即刻界線，Oh Ho！無得玩！不過呢陣時已經完成任務，心中已無負擔，慢慢手腳收拾左支老VR的殘肢，抄支強火少少的G4 2#出離，如果再中到，一于唔同距傾計，頂死距。由於釣左一輪，並且肉搏幾條大餅后，體力已經不足，決定唔再轉位了，就係原釣位繼續作釣。然後。。。就無然後了。。。一直到4點打曬d粉了，還未有過咬口，並且細魚亦陸陸續續翻黎報道，知道今日的魚潮已經過左了，於是鳴金收兵，手咪問問隔離山頭的兄弟，距地都係釣到幾條手掌白蠟和烏頭，無咩大貨。呢陣時，頭先通過微信播報到釣會內的收穫已經引起轟動，各界均發黎賀電，自己亦都係心滿意足嘞。
    最後播報一下測量數據：條魚上碼頭時候用電子手稱測量6.5斤，計算埋上水后在水囤散左的一包子，約莫估計上水重量系6.5-6.6斤，翻黎放入冰箱第日去釣具鋪羅電子稱6.3斤，長度52cm。有師傅計算話如果計埋包子未散，上水稱應該系接近7斤。不過無理距嘞，還掂都破自己記錄同埋釣點當年的記錄了。最後還附上大師幫手做的魚拓。

    

        

抱歉！之前帖子漏左誘餌粉同釣餌，現在系度再介紹下，以前學釣時一直想學習誘餌粉的搭配和功能，但係費盡心機都好難穩到系統性的帖子或blog有得介紹，現在到自己發文章了，一于勤力d，為以後的磯釣新人打好基礎，好好介紹下其實算系磯釣最重要又最容易忽視的環節：

今次出釣的目的系南洋黑掉（牛屎），呢只魚可為頭大膽細，我自己認為系鱲魚入邊最小心謹慎的魚種，以前老師傅都有教落“混混濁濁牛屎水”（渾濁情況前提系指未攪底黃水前的奶綠色水色），顧名思義，牛屎呢種魚謹慎到系好少會在水清晴天狀態下出洞的（特指西區釣場），而且就算濁水出洞，都係貼住石邊石縫出行，而且距的出行本人認為係有固定路線和驛站的（舉個例子：它出行的路線有100米，系50米的中段，它系會有一個石洞作為驛站的），所以我地如果穩到一個明魚位，系會好容易接二連三甘釣獲好多條牛屎的。我地作釣牛屎就係要穩到呢d明魚位，並且要將魚群留系位入邊。尋找呢d位，一半靠經驗，一半靠運氣啰（以後得閑再介紹呢方面的經驗）。至於將它留住和誘惑住，自己算系摸索出少少規律，1、誘餌粉要夠味，牛屎在渾濁水中覓食，好大程度靠嗅覺，所以要偏重于發酵和酒味；2、要夠重，誘餌粉要定住魚群，必須要夠重停留在驛站的周圍，挽留更多的過路魚，而麥粒就係不二之選；3、霧化和擴散可以更加激起牛屎的好奇心和降低警惕。所以本次選用左珠海本地好容易穩到的誘餌粉，hiro、丸九的用唔起，而以下的粉就隨便一間釣具行都有，而且搭配比較豐富，本次就選用左距的三隻粉：1、魂千又、2、kiss千又、3、麥力。呢個搭配，老釣客肯定唔使介紹，都係西區慣用粉組，但係新人可能要問點解甘樣配，系度我最想的就係系統性介紹下呢款常用粉。

1、魂千又，呢款自己習慣性稱為基礎粉，睇X寶介紹什麼功能都有，所謂基礎粉其實主要的作用就係含魚粉和粘合粉，有腥味和粘合，可以增加比重下沉到底，其他如視覺味覺的都是有一定，但係都係平衡數據，不是專攻，還需要其他粉的搭配；
2、kiss千又，呢款自己稱為霧化粉，其實它本身還有粘性，增加比重遠投，入水后又擴散得比較快，不單系釣牛屎，主攻鱲魚的都係必要的搭配，可以增加魚的覓食性和打粉的易操作性；
3、麥力，呢款就係味覺粉和停留粉，主攻靠邊的鱲魚類，味道真係好臭，小心遠離，主要入邊還有大量的發酵麥粒，沉底聚魚性一流，牛屎系非常喜歡吃的，前提系在水溫低和水濁情況適用，釣手自己酌情添加，否則味道大很惹魚仔；
4、最後就係根據自己喜好，搭配難食蝦磚，我自己系喜歡1：1.5搭配，所以當日我用左4磚蝦混合，蝦多的話在遇到魚群時會大大增加搶食性，提升效率，個人建議配比不要低於1:1，蝦太少的時候對於魚不是太餓或者唔系好開口的情況下，會比較不利；
5、釣餌一直系用釣魔王的南極蝦，蝦的體型都算夠大只夠ok，蝦肉質地也算好好，好實凈，也容易系X寶上邊買到。

代替組合：
大物千又+kiss千又+麥力+3蝦；
有錢銀組合：
Power千又+白千又+3蝦；

自己在實戰過程中發現麥力唔系咁容易買到，其實就可以用power千又代替，power其實就係魂+麥力的混合大包版，但係麥粒無甘多，效果還系可以的，白千又就係kiss的加量加料版，有錢就梗系用白千又嘞。系珠海西區磯釣，幾時以上幾種搭配已經夠用了，而且經濟實惠，出釣成本亦得以控制的好。

呢个位我上过，不过食蕉！

    

      好文章，感受像現場一樣

    

      

好耐無見到大砧板了大風大浪注意安全！

非常詳細！