前幾日參加左學校組織既活動 , 去左北京房山區既十渡旅遊區玩左兩日 ~~ 初時我都唔想去, 不過有隻大隻貓死都纏住要我去, 無法 la ~~ 唯有去同佢玩下 la ~~ 點知去到發現沿途都有好多好多寫住虹鱒魚既廣告, 即時興奮指數達到極點 ~~ 原來呢度有虹鱒魚釣 ~~ 呵呵呵 , 開心死 la , 不過望到個 d 寫住釣場既都好奇怪 , 好似屋企個浴缸咁~~~ 好細 , 不過戈度有條好長既河 , 應該 d 虹鱒魚係養係條河度 ~~ 不過而家係冬天, 條河既流量少左好多, 所以好多都乾底或者淺水, 見唔到養殖場 , 我打聽過原來夏天呢度會盛產虹鱒 , 到下年四月五月我一定會再黎多次~~~ 到時一定要釣到虹鱒魚 ~!!!! 但既然而家無得釣 , 就一於試下同摸下虹鱒魚係點既先得 la~~~ 係我地住既旅館度就有個魚池仔養左十條八條虹鱒, 終於俾我第一次見到活生生既虹鱒魚係咩樣 ga la~~~ 真係幾靚~~ 當晚既晚飯我地就食左一條燒虹鱒魚la , 味道唔錯 ~~ 肉質嫩滑 , 好味哦 ~~~~^^ 到第二日我就同大隻貓去左爬木筏.......見到戈度有人釣魚, 釣上黎既係 d 野生既鯽魚仔 ~~ 金黃色好靚 ~ 不過係細條 d o者 ^^ 另外仲見到有黃骨魚, 個度 d 生態都唔錯 ~~ d 水好清好靚, 我影左好多張個度既相 , 到返澳門個時再貼俾大家睇 la~~~
