arrowtsang 離線

級別: 尊貴會員

UID: 6492
精華: 9
發帖: 12962
漁樂幣: 1431654 元
威望: 20688 點
貢獻值: 0 點
娛樂金幣: 0 元
在線時間: 6621(時)
註冊時間: 2007-09-24
最後登錄: 2018-03-17

樓主發表於: 2013-02-28

倒序閱讀只看樓主小中大

心態一流呀！~~~~三腳貓列傳

三腳貓列傳之~~心態一流！

哈哈，今日唔洗做，同師兄去釣椅囉喂！正、正、正！

仲洗乜講，隔晚執定架生，再裝埋架"補時折"，.......出發！

沿途順順利利，都唔鬼描述嗡咁多喇！

一到左目的地，開竿，誓言同立魚....開波！

一路鉤、鉤、鉤，釣、釣、釣，都算用足心機喇，典知搞左幾個鐘，都仲係----一口線都冇！又"蒜"手指！

冇計，搞多陣，卒之個波有Ｄ動作咧，一沈，喔，又彈番上黎，拉上黎睇睇口餌，哎也，鉤都冇埋，跟住第二、第三口餌又係咁，避唔掂...........，雞泡，一定係Ｄ死雞泡，我又再望清楚水面，哎....，下面好似幼稚園唱遊堂咁，成竇死老泥、死雞泡玩緊團團轉菊花園，唔掂！好，加料！

[attachment=133909]

哈，跟住照釣照打粉，又冇雞泡咬咯喎，之但係又冇立魚呢！唉....！

冇計啦，唔黎都黎左咯，打龜我慣個咯！唯有繼續釣啦！

四週圍睇下風景，影下相又一 day 啦！

無無聊聊，食下野，小個便，"休"下衭，行行企企又坐下，突然.....，砵一聲，身後傳出一聲巨晌，啊，原來悶到自己放左個屁，跟住----砵....，又一個，死啦，冇魚，點解呀？
在冇魚悶極無聊到呢個時候，我……無……聊……到……開……始.....挖.....鼻.....屎.....了！挖下挖下，咦...，有電話晌咧！

[院]：喂，邊位，唔該！
[貌]：亞貌呀，搞緊咩呀？ (原來係我經理人貌哥打黎八卦！)
[院]：我今日去呔魚丫嘛！
[貌]：咁有冇釣到呀？
[院]：好快，就有，不過而家就未有。
[貌]：.............！
[院]：唔係呀，水濁呀，反晒底，又多雞泡，又消餌，一陣冇流，一時又行跑馬流。
[貌]：哈，唔同我去釣就同人地去釣，實龜啦院長，哈哈哈哈.....！
[院]：...........！！
[貌]：拿，你咁釣，咁釣，跟住呢，就咁、咁、咁、咁、咁、咁，跟住就包有魚釣到架喇！
[院]：係咪架？咁好啦，一陣我試試丫！(就係咁，未等佢講完，我就 cut 左線喇！)

哼，死貌，一陣你老子我釣到魚，用條死立魚掌你個烏鸦咀！好，比多Ｄ心機，......！
收埋部電話，鉤番口餌放落海，再潑多幾殼粉，晌我挖埋另一邊鼻哥窿既鼻屎既時候，黑標，抽，中魚，呵呵！冇禮貌，你死喇！

釣多陣，又整多條，呵呵！

最後收拾行裝，清理釣場，執走自已既垃圾，回家去喇！

話需如此啦，小弟係隻三腳貓就係人都知架喇，我永遠保持既就係---裝備二流，釣技九流，心態永遠保持一流！
能夠在工餘時間，同好友一齊去釣魚，自己有魚好冇魚好，大家好傾、開心就好！

(以上內容，純屬虛構，如有雷同，實屬玩野！)

(剛收蕉回府，立刻出post，明日在1F，更新是日"神經裝備推介"！thanks！)

[ 此帖由arrowtsang在2013-03-05 17:18重新修改 ]

點擊看大圖:竿and海.jpg

評價一下你瀏覽此帖子的感受

清空我的評分動態本帖最近評分記錄: 共9條評分記錄

	popo	漁樂幣	+10	2013-03-02	-
	魚珠魚寶	漁樂幣	+10	2013-03-01	怪招百出呔大魚
	活活	漁樂幣	+10	2013-02-28	厲害絕招。。。吮手指，開煤礦，放毒氣先搞掂。下次水青就要出多招 - 臨海施肥？
	釣魚郎	漁樂幣	+10	2013-02-28	原來要一路釣一邊挖礦先有魚.........
	總舵主	漁樂幣	+10	2013-02-28	好文彩
	休渔琪	漁樂幣	+1	2013-02-28	你就好了，我昨天完成13年第1龟！！！
	itit	漁樂幣	+10	2013-02-28	心態永遠保持一流
	muito	漁樂幣	+10	2013-02-28	一流心態
	路亞添	漁樂幣	+10	2013-02-28	執走自已既垃圾一定要加分
隱藏評分記錄

起得比雞早，睡得比狗遲，吃得比豬差，累得像隻驢，起魚似中獎，唉.........！釣魚人啊............！

我釣我娛自得其樂，....無需跟無知多作計較！