首先解釋你既問題 ......
你要用少少物理學既角度去理解插節竿(唔理佢兩節定三節或者更多la)同伸縮竿(振出式) 之間既區別 , 先由插節竿講起 , 兩節插既假餌竿, 通常都會係由5呎至11呎呢個長度範圍先會有, 超過12呎以上既係唔出兩節只會出三節, 當然最好既, 係一節過一枝魚竿 , 因為一枝魚竿越少接駁口就越好, 枝竿受力後會將力量份佈得均勻 d , 而且竿身材料係無接駁口 , 咁就唔會有插節既受力不均點 !! 但唔好處就係唔方便, 太長的話帶出去會好麻煩, 所以一節過既竿都係5~7呎左右既範圍 ~~ 而兩節既假餌竿就係最常見亦都係最廣范用到既假餌竿 , 因為兩節式既假餌竿方便而且力量僅次於一節式既假餌竿, 係5~11呎呢個長度範圍之內 , 可以做到枝竿既重量分佈得比較好 , 令釣者覺得無咁重 , 如果兩節式做得過長, 超過12呎的話 , 就會唔方便拎 , 變得太長一節 , 所以就會轉用三節 , 因為要用到咁長既竿既地方都通常係磯邊, 如果一節太的話, 就會妨礙到穿線同行走個時既安全 , 當然三節式既假餌竿會比較重, 而且因為又多左一個接駁點 , 所以枝竿既重心就會比兩節式既偏向竿頭方向 , 對釣手而言就會感覺枝竿比較重左 , 所以插節越多的話就會越感覺得差 ~~
到伸縮式既竿 , 係假餌竿既產品之中係好少好少會用到伸縮式既, 因為伸縮式既假餌竿會比插節式既假餌竿無咁好力, 為要做到伸縮式, 就會每一節都空心先可以做到收納既效果, 咁樣就會令到竿既力量低左 , 但假餌竿既長度又無磯竿咁長, 如果用伸縮式既又唔會方便得去邊, 但反而力量弱左的話, 咁做咩唔用並繼式呢 ?? 但伸縮式用得最多既係13~15呎呢個長度範圍 , 因為係對應磯邊使用 , 須要用到比較長既竿去適應地形既問題 , 亦都顧及行走時既安全 , 所以用伸縮式就會有 d 著數 la , 而且枝竿做到咁長 , 力臂長左, 相對於每節既接駁口既力量就相對於短竿黎講就會少左 , 所以問題不大 ~~~~
另外你話插節既接駁位好似好化學咁 ...... 你絕對唔駛擔心呢個問題 , 因為你與其擔心佢既接駁口化學 , 點解你唔擔心伸縮式既接駁位更加化學呢 ?? 插節竿既接駁位, 必定有一邊係實心, 插入空心既一邊 , 插緊左之後 , 接駁口係完全實心 , 無空位 , 但伸縮竿接駁位 , 前一節同後一節既插接位都係空心 , 所以絕對比插節既弱 ~~ 你留意下 d 重磯竿或者石鯛竿 或者其他對付大體型既魚既魚竿就會知道, 佢地都唔會用伸縮式既竿 , 只會用插節式既魚竿 ~ 咁你就知道邊樣比較好力 d la ~~
