用磯竿拋係無話絕對既唔得既, 因為枝竿始終都係閣下既, 想點用都得 , 不過用磯竿拋假餌的話 , 因為磯竿本身唔係俾你不停咁拋假餌而設計, 所以竿先部份就會係拋假餌既動作之中受傷, 當然你亦可以用d 好粗既竿黎拋咪唔傷 law .... 呢樣絕對係得既, 不過只要你唔怕枝竿重到發癲, 拋得又辛苦, 但又唔係特別拋得遠既 , 咁做乜唔買過枝拋假餌專用既假餌竿呢 ?? 又輕又拋得遠, 拋得耐都唔怕累 , 減輕隻手既負擔 , 著數既都係自己既o者 , 所以用假餌竿定磯竿黎拋, 就由閣下自己決定 la ~~~
拋假餌可以用直鉸同橫鉸 , 但係用橫鉸就會比較麻煩 , 因為操控時要經常注意出線既速度 , 如果唔係就好易炒粉 , 用直鉸就唔怕出現呢種問題 , 方便好多 , 不過橫鉸都有好處, 就係拋投既落點比直鉸精細, 可以有比較多既時間去控制隻假餌既落點, 直鉸呢方面就比較差 la , 不過大方向黎講橫鉸係唔及直鉸拋得咁遠既 ~~ 所以我地通常都會首選直鉸 ~~
一千蚊左右的話, 就要睇下你去邊度買 la , 仲有就係你想買黎釣海魚定係釣淡水(塘都得) , 仲有就係你經常去既釣場係邊 d , 離水高定低等等因素去決定你應該買枝幾長同幾重火力既竿 ~
如果係用黎釣海鱸魚的話, 通常都會用上8~10呎既saltwater(海釣)假餌竿 , 適用8~20磅呢個範圍既線, 適合拋7~28克呢個範圍重量既假餌 , 咁就可以 ga la , 記住唔係真係去買一枝 寫住 以上數據既竿喎, 呢 d 數據只係一個範圍, 可以減少上限或者增加下限都得既 ~~ 僅供參考既o者 ~~
如果係用黎釣加州鱸或者去 d 好似橫琴咁既釣魚場的話 , 就唔駛用咁長 la , 買枝5呢半至7呎既淡水用假餌竿就得la , 線同假餌既適用範圍亦可以比海鱸竿低 d , 例如適用線既範圍可以係4~12 磅, 假餌既適用範圍係 5~14克左右就已經足夠 la ~~
至於鉸方面 , 可以買 d 日本牌子既500元左右既中低價鉸 , 容線量大約係10磅線(2.5 號) 可以裝150米既至到12磅線(3號)可以裝150)就夠 la , 如果用大陸鉸的話 , 可以買 d 價錢比較貴既就著數 d , 亦都可以買個 ryobi 既最新款鉸, 價錢都好適合, 性價合理 ~~~ 但相我就貼唔到上 黎 la , 希望其他人可以幫到你 la ~~
