2010年 10月 24 日
地點 : 桂山島一帶
天氣 : 西北風 3 - 4 級, 陽光天氣晴朗
水質 : 綠水, 不太濁
艇家 : 木根
人物 : 我加 4 個好友
由於 23 號正正是霜降的日子, 我們就開始尋找黃小姐的一天
話說我從未跟過木根大師到西水, 尋日終於可以一嘗心願, 都係多得 KK 讓位咋,
晨早 5:45 分 JOE 哥專車接我之後再去接亞 KEN 就直到 3 聖村食早餐,
買左午餐加糧水準時 7:00 上艇, 大師架艇比我之前坐開的艇比較大和馬力強勁 (225 匹),
沿途經過機場尾,分流一帶望下 D 水就好鬼啡色(好可能是炒左個底啦),
一直車到大陸水域好明顯轉為淺綠水, 唔駛 1 個小時就到左桂山附近的釣點,
一到釣點各位 C 兄 C 姐立即開工, 跟住大師就講 23 號佢地 2 個人係呢度都釣到
40 幾位黃小小姐啊, 我心諗我地唔知有幾多呢 ? 整個上午釣況都好疏落 ,
只有 d 石汀仔,細白或,沙鑽仔 & 3 位黃小姐咋,其中根叔果條比較大 D,
跟住轉到唔知幾多次后根叔又釣到 1 條斤頭芝麻班仔, 過了一陣我背后亞 KEN 都有所
動作好似扯石頭咁, 我見佢一路咁拉終於見到魚啦, 原來係條過斤的青班啊,
點知差不多我想用撈箕去撈的時候, 條魚掉頭走既, 啊...原來亞 KEN 個鉤綁得不好
而甩左, 最衰我又唔夠快手去撈魚(真失敗).
食完午餐之後釣況都係一般疏疏落落, 不過 HELEN 姐就比較好 D, 因為佢用蝦仁
就中左好多沙鑽囉, JOE 哥就中左幾條磅頭石汀+ 1 條雙牙班仔都有磅頭架, 一直去到差不多 4 點到最後一個釣點
發覺 D黃小姐開始肚餓喎, 同一時間根叔 & 樑哥一齊都中黃小姐, 幾經辛苦我先中條手板 (黃小姐)咋,
釣到 5 點左右根叔話收工, 咁就完結左呢個旅程.
最後魚穫方面大約 : 根叔 & HELEN 收穫最多,其次樑哥 & JOE 哥, 我就有 1 條 + 3 條石汀仔 + 2 條或仔
亞 KEN 就有 2 條黃小姐, 雙牙班仔留左比大師
總結 : 雖然尋日收穫都算差(JOE 哥講),但個個都有魚分都唔錯啊,好彩仲未斷纜 (仍有班班)
我終於感受到西水 D 黃小姐真係好難釣架, 另外都要多謝一次
KK 讓位加埋麻煩晒 JOE 哥專車接送.
大石汀 + 芝麻仔
成年的小姐
爆 1 箱(假象來架, 哈哈)
又爆 1 箱(假象來架啊, 哈哈)
全部收穫
