點解有人會請黑工 ? 除左人工平 , 仲有乜野好處 ? 其實如果請香港人做黑工, 人工一定唔會平過本地人 , 咁點解仲有人請佢地做野 ? 我舊年都係澳門做左一年野, (當然有 藍卡啦) , 當時我公司請左5個澳門人做野, 佢地第一日返工, 我叫佢地一日內將 10支8支 (每支約20磅重) 鋁通搬上一層樓(要行25級樓梯) , 一锢鐘頭後佢地話太辛苦唔做, 跟住走鬼埋 , 後來公司又請左7個本地人, 請佢地之前同佢地講得好清楚 , $500 日 , 如果勞工假開工都係得一工, 問佢地得唔得 , 佢地個個都話 ok , 我見佢地又幾做得野, 咁星期日都會叫佢地返黎開工, (其實無乜野做, 係等佢地返黎收多幾日人工, 因為佢地有幾日勞工假返左黎開工) . 點知到單工程做完晒叫佢地走果陣時, 有幾個話要跟勞工例補錢俾佢 , 除左7日通知, 仲要計埋大假同埋勞工假開工果d補水 , 嘩, 大佬, 我已經早左2個星期通知佢地, 但佢地話無簽紙所以唔算數 , 卒之又去左勞工局 , 舊年我係澳門做足一年野, 但係出入勞工局都唔知幾多次, 所以人地請黑工都未必係為左人工平, 有時係為左唔駛成日去勞工局炸 . 當然, 有好多人係為左人工平所以請左好多大陸同越南黑工.