釣魚五花八門，尤其是磯釣，經常會遇到唔一樣o既場，有ｄ適合浮波，有ｄ適合長標，甚至有ｄ要直感比較好，乾淨利落，魚絲一直去到尾，只用粒輕輕o既咬鉛，更或者連咬鉛都唔落，玩全飄（以前係澳門海邊都係用呢個方法，食立仔無數），但主絲同子絲之間線結，就要有一個又快又靚又正o既線結，至可以以小搏大
係咁多花喱花碌線結當中，經過多年測試之下，電車結係我幾鐘意用o既線結，雖然不至於無懈可擊，但拉力值都算非常ＯＫ，不過，正值魚群大咬之際，子線斷左或花左，要換新線而打結時，用細號魚絲，打一個電車結就顯得唔容易同埋慢吞吞喇！
來來來～有樣小東西係多年沿用，來幫助打電車結，輕鬆好多又唔駛用錢買
分享方法：
１～首先要做好一支
萬能線結幫手棍～哈哈＠＠
２～其實呢支係用萬字夾改裝嫁！
３～綁直結時，先如下圖中顯示，一子一母線重疊
４～先用左手姆指壓住萬能線結幫手棍的圓圈位置，連同兩條魚絲一齊夾緊，之後用右手的手指，拿住短的一頭魚絲，反手圈過來（
最好當時假想您隻右手帶左手錶，要反手過來睇吓幾點鐘～咁講應該明白掛？），移入左手姆指內壓住，然後將絲頭由下往上咁包住條萬能線結幫手棍穿入個圈裡面，如是者重複三次就掂晒～～
５～用右手將魚絲拉緊少少．．．．少少就得喇！
６～然後反過來做，左手握住另一邊，重複睇手錶拉絲o既過程，又係三圈就掂晒喇！
７～到最後，先將兩條短的魚絲，平均咁拉緊少少，之後就將萬能線結幫手棍拉出來，離開魚絲後，就用力咁拉緊魚絲，長o既短o既都要拉緊，拉到個結睇落去幾靚就ＯＫ喇！！～
攪掂，個線結係唔係好容易打，又唔會拉力好差呢！！
如果睇唔明可以參考下圖的電車結
