1.陽光中既驟雨: 有魚
2.陰天下既間中微雨: 底物仍可, 中游疏口, 水面無魚
3.陰天下既狂風驟雨: 近岸疏口甚至無魚, 水面無魚
4.陰天下既狂風雷雨: 無魚(原因係危險, 建議你執野唔好釣, 所以無魚)
5.陰天下既長命微風細雨: 底物疏口, 中游及水面無魚
6.陰天下既長命狂風細雨間中驟雨: 近岸接近無魚跡象, 離岸深水排疏口
7.連續多天既長命微風細雨: 近岸及河口流域離岸無魚
8.連續多天既長命狂風雷雨: 近岸至離岸100公尺內無魚, 超離岸深水排疏口;
其實去到近期持續性同廣泛性既驟雨
水壓/大氣壓力問題已變得其次
雨水比海水既密度低, 哩個大家都知
所以, 當一般落雨, 好似我最上第一個1,2,3既情況
雨水由山上或河流流入海既份量唔大
因為雨水比海水輕, 所以d淡水會係上層流過,
只有少部份帶有泥沙份子既水向下沉
所以對底物影響很少, d魚仲有機會留係度,
甚至會執d由河水帶來既食物
特別是立魚類, 因此仲有機會釣到魚, 有時甚至突然間多左
因此, 當突然落大雨而見有一道黃泥水流出,
如果你既釣埸有18呎或以上
只要將釣組盡量貼底, 機會一樣有
但當去到4,5既情況, 近岸多左好多淡水帶來既物質
海水開始沖淡, 係氧氣開始減少, 一來d魚活性低左
二來d魚會開始退回離岸區較多氧氣水域
當去到6,7,8既情況, 近岸水域基本上已俾缺氧既淡水充斥
大部份既魚已經退到好出, 特別是淺水域近岸,
加上大量泥水, d魚都走晒
我地磯釣出到外島點解都有問題, 如果係個大島
近岸海域一樣充斥大量淡水及沙泥水,
所以一樣好難釣, 特別是夏天以水面及中游魚為主
d淡水係海水上層, d魚仔都無, 點會有大魚上水面食野.