星期六釣完塘雖然都有7條, 但魚癮大, 星期日同個死黨去龍爪角搵下魚, 3點鐘到達釣場, 行十分鐘路程, 一邊行一邊選個好位, 最後見到個U形浪炒位, 覺得幾有feel, 即開杆, 一落吾夠十秒, 係完全無唸過會咁快既情況下杆頭帶來強烈的震動, 為左吾比佢入礁不斷頂上水面帶到岸邊, 好好力! 原來係白立. 因為無帶尺吾知幾長同幾重, 過多一陣又一條大或仔, 釣到五點鐘死黨有事走先, 唯有收杆, 留下次再戰.
釣棚: 3米
母線: 4號
子線: 2號
鈎: 2號千又
餌: 死蝦, 不打餌
釣法: 波仔
釣訊: 中2上2
煮法: 清蒸
味道: 好甜!
確實釣位吾記得影相, 但今個星期六可能都會再去, 如有釣友咁岩又得閒, 可pm我相約一齊, 碰碰運氣.
釣後體驗分享:
立魚一般都鍾意躲藏係有流, 白炒浪位, 礁石, 幾杆對開外有幾米水深, 再對開更深水既地方 (換流既時候, 一些外來魚會停泊係呢d 地方), 所以先要行十分鐘出去搵位. 龍爪角大部份釣友都係釣沉底, 又或者係近黑沙海灘哥邊釣, 一般都係釣到或仔, 一方面因為出面水吾夠深, 換流時好難會成為一些外來魚既"首選"停泊點, 而且水亦較沌, 第二方面係因為很多釣友一飛就飛出去好遠既地方, 雖然遠d 既水係較清, 但咁遠既地方, 海底通常係沙泥, 好少會有立既藏身點, 因為越細條既魚越吾怕死, 越係鍾意周圍游搵食, 越大條既魚越怕死, 就係因為怕死, 安全意識高先會長大, 越係鍾意躲藏係d 陰陰濕濕既地方, 所以有時抛得遠未必係好事, 但要搵好位, 就一定要爬石, 所以亦有少少危險, 建議起碼有二人先好成行, 釣魚事少, 命仔事大
總結:
要搵立, 隨左真係要睇岩個位, 唸下d 魚會躲係邊之餘, 碰岩運氣都好重要, 以上少少體驗, 請高手調整及指教.
阿新報道.
如大家覺得報道ok, 請加分!
[ 本帖由阿新在2009-08-31 16:04重新修改 ]
