今日一共有我 , 康師傅(honfer) , Kenny , 尼強 , 出貓,尼強女友同埋一個令fd ,
仲有kenny個表弟 , 我同康師傅就8:30兩個人過黑沙 , 因為kenny 同尼強
就話要遲d尼 , 我同康師傅不知不覺間就到左黑沙啦 , 大約9:30左右就到
左黑沙村 , 一去到我就話去試下個塘虱塘先 , 開好左支假餌竿就勾我前
一晚醃好ge加洲肉 , 就係用le隻丸九出ge油醃 , 一勾左塊肉就飛出去 ,
等左一陣就行線 , 比佢行左小小線就抽佢 , 但係就抽唔中 , 可能未食落
口 , 或只係咬住走 , 之後就一直都無咬過啦 , 就決定過檔隔離塘 , 開好支磯
竿set好釣組 , 康師傅就教我一種新ge勾包方法 , 一行出個台到飛出去
第一竿就中條鯇魚仔 , 斤令兩斤到啦 , 之後等左好耐都無 , 就同康師傅過
對面試下 , 康師傅就話掟邊可能有 , 因為上次佢地都係咁釣 , 我就有樣學
樣啦 ^^ , 掟出去第一竿都無了到 , 再掟多次出去等左一陣就沉標 , 一抽 ,
又係鯇魚仔 , 都係戈d size , 放左幾下brake就上水 , 之後就用le個人間凶
器對付條鯇魚 ^^ , 11點啦戈時Kenny生同尼強生都仲未到 , 仲以為佢地
放飛機 , 之後kenny表弟就到左 , 開左一支假餌竿裝浮標作釣 , 但我覺
得似jigging 竿多d ^^ , 釣左陣都無野釣 , 康師傅就話比佢釣陣 , 我就過
手比佢釣 , 我就去開假餌竿飛假餌….. 行到去塘尾到飛 , 因為塘頭有人
釣緊 , 廢是左住人地啦 … ^^ 諗住釣生魚傢 , 但係又唔咬 , 就換隻ss透明
諗住拖邊啦 , 一飛出去第一下 , 之後的下 – 的下咁拖返尼 , 拖到一半左
右 ”bo” , 中呀!! 原來係臭非 ^^ he he… 康師傅今日就全場走尼走去做記
者 , 無釣魚 , 真係唔該哂康師傅啦 ~ ~ 過左一陣 kenny同尼強就尼到 ,
我同康師傅悶悶地就走左走科學塘釣埃及…. 釣左陣都無野釣就諗住去
釣手線 , 不過就要搵多d膠樽 , 由個樽綁條炭腳,個絲尾綁個勾 , 勾塊魚肉
放落水 , 之後就做左7個放係硼仔上面 , 之後就過隔離塘釣魚 , kenny咁
岩就中緊條鯇魚 , 我就拿拿聲囉埋支磯竿過戈邊 , 同kenny上左條魚之後
我地就兩個係戈邊釣左一陣 , 都無乜聲氣 , 阿”美人”特然話戈邊d水樽中
緊魚呀 , 我就即刻叫kenny幫我拿住支竿 , 囉個塔勾走左過戈邊 , 過到去
見到條埃及諗住塔佢個死人口 , 條仆街又合埋口又合埋鰓 , 都唔知塔咩
好 , 索性塔身 , 塔完之後 , 影完相走返過戈邊就計讀釣 , 釣左一陣 ,
沉標 , 一抽 , 以為非洲怪 , 原係條鯉魚仔 , ……. 再過多一陣 , Kenny
又中…. 玩左一陣 , 原來都係一條鯇魚 , 又係戈d兩斤左右ge size ,
之後先仆街 , 對面戈條友 , 見我地釣得咁過癮 , 就飛個波過尼我地戈邊霸
住哂d位 , 好!比你霸 , 我地就照飛無理到佢 , 最黑人憎就係le樣 , d魚偏
偏就係食我地d餌 , 唔食佢 , 真係無哂野講 ^^ , 之後條友見無魚釣 , 就係
到吹水 , 又話乜又話物 , 唉…………比你發洩下啦.. !! 戲玉先係le到 ,
戈時都5點令啦 , 佢地都執緊野 , 仲有支竿未收 , 就係戈陣時 , 竟然中魚
, 我地心諗有無搞錯呀!! , 之後我同康師傅同埋kenny係佢中魚開始 ,
一未話( 甩,甩,甩,甩,甩,甩, -斷,斷,斷,斷,斷,斷, -甩,甩,甩,甩,甩,甩,
-斷,斷,斷,斷,斷,斷 ) 起馬講左一分鐘 ^^ , 之後戈條友先白痴 , 中左魚 ,
隻手又唔夠長去囉住條魚絲 , 就zoom番埋支竿佢 , 應該得留兩節竿到啦 ,
都係囉唔到條絲 , 就又zoom番支竿出去 , 叫令外一個人幫佢囉住條絲 ,
條魚係戈時又玩佢喎 , 個人走左邊條魚就行右邊 , 個人走右邊條魚就走左邊 ,
真係好笑啦 ^^, 最後都比佢囉到條絲 , 諗住條魚都9成上到水傢啦 , 點知佢
諗住囉條魚絲拉起條魚之際…. 甩左喎 ^^ he he ... 我地幾個即刻係戈
邊偷笑 , 真係頂癮 , 我地把口又幾靈個喎….. ^^ 之後尼強戈班就走去細塘
戈邊釣,大頭”仔” , 鯇魚”仔”… 因為真係好細條…. 好似出貓話d鯇魚係十
令cm , 不過戈邊就密口d , 過左一陣 , kenny又走埋過去 , 得返我同康師傅
係到 , 我就放低支竿 , 岩岩就同緊康師傅講點樣釣戈條生魚仔 , 我傾傾下
望一望支竿 , 點解竿頭彎左ge , 望真d原來食緊傢 , 即刻起身走過去抽都
抽唔到 , 唉…… 真仆x , 之後我就覺得d魚應該開口 , 勾過夠包掟出去
岩岩拉竿戈個位 , 掟左出去都無兩分鐘 , 就沉標啦 , 一抽 , 中 , 有d力 ,
放幾手brake , 頂得住 , 拿住支制霸．技驚都未驚過 , 我正係覺得好好玩 ^^
望返d弧度又鬼死咁靚 , 戈時正系係到頂 , 放 , 頂頂 , 放 , 開頭我都未知
有幾大條 , 玩左兩分鐘多d , 頂到見到魚影啦 , 一頂個頭上尼 , 嘩…..好7
大條鯇魚呀 ^^ , 開心死…. He he , 大約玩左4分鐘左右啦 , 條魚都無乜力
, 我又見到岩岩中咀角 , 拿拿聲叫康師傅 , 塔邊到都好塔佢上尼 , 之後就
成功上左水 , 我戈時正係係到傻笑 ^^ 我拿上手都幾重 , 估計都有6kg ,
因為都好肥 , 影完相 , 之後執埋d野 , 囉左落鋪頭磅下幾重 , 黑鬼佬一
囉戈個勾秤 , 一勾.. ^^ 直埋勾 , 我就走上去囉個電子磅落尼 , 個電子磅
到就寫住 kg / lb 條魚放左落去就顯示左 10.11.0 , ( 我想問姐係點呢 )
總結尋日都唔係太開口 , Kenny 鯇魚 2條 , 我 鯇魚 3條 , 鯉魚1條
不死身1條同臭非一條 , 尼強同kenny表弟係隔離塘應該中左幾條大頭仔 ,
同鯇魚仔幾多條我就唔清楚 , 因為我唔在場….. ^^
